Kompania Rajonale e Ujësjellësit “Prishtina” ka paralajmëruar se banorët e fshatit Hajvali do të shkyçen individualisht nga shërbimet e ujësjellësit dhe kanalizimit.
“Mbi 1400 shtëpi, konsumatorë të këtij fshati u kanë borxh KRU “Prishtina” sh.a. mbi 1 milion euro”, thuhet në njoftimin për media të KRU “Prishtina”.“Me shkyçje do të përballet secili konsumatorë që ka, dy e më shumë fatura të papaguara ndaj shërbimeve të ujësjellësit dhe kanalizimit”.
“Për këtë aksion,në fshatin e lartpërmendur janë të angazhuar 4 ekipe të shkyçjes përfshirë edhe inspektorë”.“Ata të cilët kanë borxhe ndaj shërbimeve të ujësjellësit dhe kanalizimit do të shkyçen gjatë ditës së sotme, pas shumë vërejtjeve e njoftimeve që u janë bërë më parë”.
“Gjatë ditës së nesërme do të vazhdohet me shkyçje në fshatin Makovc, Llukar, Bardhosh, Besi, Trudë dhe të gjitha fshatrat e tjerë që gravitojnë përgjatë gypit magjistral Albanik-Prishtinë”.