ZVICER

Sommaruga kërkon një mekanizëm për ndarjen e aplikimeve për azil

Spread the love

Një mekanizëm që do të bënte ndarjen e aplikimeve për azil do të mundësonte forcimin e sistemit evropian të azilit për të qenë në gjendje të përballet me vështirësitë në të ardhmen. Këtë qëndrim e ka konfirmuar sot ministrja federale Simonetta Sommaruga në Sofje, ku ajo mori pjesë në takimin joformal të Këshillit të Ministrave të Drejtësisë dhe tëPunëve të Brendshme të Shteteve anëtare të Schengenit.

Sommaruga ka theksuar se vetë Zvicra ka pasur përvoja pozitive me sistemin e shpërndarjes në zonën e saj, thuhet në një deklaratë që e ka lëshuar Departamenti Federal i Drejtësisë dhe Policisë (EJPD).

Gjatë takimit, ministrat kanë diskutuar për reformën e Sistemit të Përbashkët Europian të Azilit, shkruan albinfo.ch. Ata në veçanti u morën me modalitetet për prioritizimin e negociatave mbi Rregulloren e Dublinit. Për shkak të pikëpamjeve të diskutueshme mbi mekanizmin e alokimit midis vendeve të Dublinit, këto negociata kanë marrë mjaft kohë. Dihet mirë se ka vende, në veçanti në mesin e vendeve të Evropës Lindore, të cilat nuk duan të marrin pjesë në sistemin e shpërndarjes së emigrantëve.

Lidhur me mbrojtjen e kufijve të jashtëm të zonës Shengen, udhëheqësja e EJPD-së kujtoi se “menaxhimi efektiv i kufirit duhet të fillojë në kufi dhe të mos përfundojë në kufi”.

Kjo është arsyeja pse ajo beson se vëmendje e veçantë duhet t’u kushtohet vendeve të Mesdheut të Afrikës së Veriut dhe Turqisë. Iniciativa e Grupit të Kontaktit të Mesdheut, e cila u mbajt nëntorin e kaluar me ftesë të Sommarugës në Bernë, është një hap i rëndësishëm në vendosjen e kontakteve dhe krijimin e një marrëdhënieje besimi me vendet në fjalë./Albinfo.ch/

Related posts

Zviceranët kanë në zotërim privat 865 mijë armë të regjistruara

dritatv

Vetëm 43% të zviceranëve kanë shtëpi të tyre

dritatv

Mbahet Kuvendi i LAPSH për Kantonin e Gjenevës

dritatv

Leave a Comment