Një shpërthim i fuqishëm ka ndodhur në një dyqan celularës në rrugën “Qamil Guranjaku” në Tiranë.
Policia njofton se ngjarja e rëndë ka ndodhur rreth orës 10 e 40 minuta të paradites së kësaj të hëne në afërsi të Institutit të Higjienës.
Nga shpërthimi ka mbetur i plagosur 34-vjeçari me inicialet G.H., pronari i dyqanit, si dhe janë shkaktuar dëme materiale, ndërsa 34-vjeçari është shoqëruar menjëherë në drejtim të spitalit.
Sipas policisë, shkaqet e shpërthimit mbeten për t’u qartësuar, por paraprakisht flitet për një ngjarje aksidentale.
Policia thotë se i plagosuri ka qenë duke punuar në dyqanin e tij me derën e jashtme të mbyllur në momentin që ka ndodhur shpërthimi në tavolinën e punës.
Shkaqet dhe lënda që ka shkaktuar shpërthimin pritet të zbardhet nga grupi hetimor.
