• Home
  • BOTA
  • SHBA porosit shtetet e Karaibeve ta njohin Kosovën dhe ta mbështesin për anëtarësim në INTERPOL
BOTA

SHBA porosit shtetet e Karaibeve ta njohin Kosovën dhe ta mbështesin për anëtarësim në INTERPOL

Spread the love

Departamenti amerikan i shtetit ka dërguar një letër me të cilën kërkon mbështetje për Kosovën nga shtetet e Karaibeve.

Në prag të vizitës së Ministrit të Punëve të Jashtme të Serbisë, Ivica Daçiç në Grenadë, të dielën e shkuar, shteteve Karaibe u ka mbërritur një “thirrje” nga departamenti amerikan i shtetit që kërkon mbështetje për Kosovën.

“Ia përkujtojmë qeverisë tuaj që fuqishëm ta konfirmojnë pranimin e Kosovës si anëtare të plotë të bashkësisë ndërkombëtare. Nga shpallja e pavarësisë më 2008, Kosova është njohur nga më tepër se 100 shtete anëtare në OKB dhe vazhdon të përparojë si e pavarur, multietnike dhe demokratike”, thuhet në letrën e dërguar nga departamenti amerikan i shtetit.

“Njohjet shtesë të Kosovës sjellin stabilitet më të madh në Europë, kurse izolimi i Kosovës dhe qytetarëve të saj janë recetë për destabilitet”, thuhet në vazhdimin e letrës.

Daçiq kishte paralajmëruar udhëtimin për të lobuar për tëheqje të njohjes së Kosovës por në dokumentin e publikuar thuhet se një gjë e tillë “do t’i trimëronte elementet e prapta në regjion, të cilat punojnë për të ngadalësuar përpjekjet për normalizim të raporteve mes Kosovës dhe Serbisë si dhe integrimin e regjionit në institucione euroatlantike”, përcjell lajmi.net. Në letrën e dërguar tek shtetet e Karaibeve, SHBA prej tyre kërkon mbështetje të Kosovës për anëtarësim në INTERPOL me arsyetimin se kjo “do t’i përforcojë përpjekjet e shteteve për luftën ndaj krimit dhe terrorizmit, dhe se vetëm kriminelët kanë dobi nga status kuoja”./Kosova Post/

Related posts

Amazon gjobitet me 1.2 milionë dollarë për shitje të pesticideve ilegale

dritatv

Zhduket trageti, gjenden 7 persona të mbijetuar në oqean

dritatv

Kulla e Ajfellit fik dritat në nderim të viktimave në Egjipt

dritatv

Leave a Comment