Seria Samsung Galaxy S10 do të mbushet më shpejt

Teknologjia e shpejtë e ngarkimit 15W e Samsung ishte mjaft mbresëlënëse kur u shfaq disa vjet më parë. Edhe pse zgjidhjet pasuese të konkurrencës tejkaluan kompaninë koreano-jugore, kjo mund të ndryshohet me lëshimin e linjës Galaxy S10.

Sipas pohimeve të furnizuesit Ice Universe (@UniversIce), Samsung aktualisht është duke punuar në një teknologji me mbushje të shpejtë.

Burimi nuk ka dhënë shifra të veçanta, kështu që nuk dihet se sa do të jetë shpejtësia e mbushjes, por ai vuri në dukje se zgjidhja aktuale 15W e Samsung shumë shpejt do të shkojë në histori.

Kjo sugjeron se teknologjia e gjeneratës së ardhshme do të jetë dukshëm më e fuqishme. Pa marrë parasysh se çfarë vendos Samsung, do të përballet me një konkurrencë të ashpër nga Huawei dhe OnePlus. Huawei tani me Mate Pro 20 ofron 40W supermbushës, i cili ngarkon baterinë 4200mAh të telefonit deri në 70% për 30 minuta.

OnePlus, në anën tjetër, ka Warp Charge 30, i cili për 20 minuta mbushje siguron përdorimin gjithë-ditor të telefonit.

Pritet që Samsung të ofrojë ngarkues të ri në paketën me telefonat Galaxy S10, ndryshe nga Apple, e cila ka shitur veçmas ngarkues për modelet iPhone.

- ISLAMSHOP.CH -spot_img

LEXO MË SHUMË

Së fundi