SBB ka vendosur të zhdëmtojë qiramarrësit e saj: bizneset që janë mbyllur për shkak të krizës së koronavirusit nuk do të paguajnë qira për gjithë kohën sa ka zgjatur bllokimi. Këto janë kryesisht dyqane dhe restorante në stacionet e trenave, njofton Ndërmarrja Federale e Hekurudhave.
Bizneset që janë lejuar të qëndronin të hapura gjatë asaj kohe, do të përfitojnë ulje të qirasë, shuma e së cilës varet nga rënia e shitjes që kanë pësuar. Qiramarrësit e zyrave dhe hapësirave të banimit janë të përjashtuar nga ulja e qirave, thuhet më tutje në njoftim-
Në tërësi, nga kjo përfitojnë bartësit e 1200 kontratave të qirasë. Në varësi të kohës sa janë dëmtuar, kjo fazë llogaritet nga 17 marsi deri më 26 prill, 10 maj oapo edhe deri më 8 qershor 2020.
Me këtë rregullore, SBB dëshiron të “mbështesë qiramarrësit e saj të bizneseve, të kontribuojë në planifikimin e tyre të sigurisë dhe likuiditetit dhe të nderojë marrëdhëniet biznesore që ka pasur me to, të cilat, në disa raste janë prej një kohe të gjatë”.
Lokalet e prekura do të kontaktohen në ditët e ardhshme. Ato nuk ka nevojë të bëjnë kërkesë për uljen e qirasë.
Siç thuhet më tej në njoftim, SBB kishte marrë masa të menjëhershme për të akomoduar qiramarrësit e saj menjëherë pas bllokimit.
Për shembull, afati i pagesës për interes të qirasë qe zgjatur për 60 ditë nga marsi i vitit 2020, dhe gjithashtu qenë ngritur afatet minimale të hapjes për të gjitha bizneset.
