Rusia mund të importojë pemë, perime dhe ushqimore deti nga Turqia ose Maroku, duke zëvendësuar importet nga Kina për shkak të shpërthimit të koronavirusit.
“Perimet, pemët dhe ushqimet e detit përbëjnë bazën e eksporteve ushqimore kineze në Rusi. Për momentin, vëllimet në rënie të produkteve ushqimore lehtë mund të zëvendësohen nga furnizimet e vendeve tjera, si Maroku dhe Turqia”, tha për agjencinë lokale të lajmeve TASS, Dmitry Vostrikov, kreu i Shoqatës së Prodhuesve të Ushqimit në Rusi.
Shumë vende kanë pezulluar importet e tyre nga Kina pas shpërthimit të koronavirusit vdekjeprurës që deri më tani ka marrë jetën e 491 personave.
Sipas Vostrikov, gjithsej 453 mijë ton perime me vlerë 370 milionë dollarë janë importuan nga Kina në 11 muajt e parë të vitit 2019.
“Izraeli renditet e dyti në këtë sektor me 139 mijë ton me vlerë 135 milionë dollarë të importit. Turqia është në vendin e tretë me 136 mijë ton me vlerë 148 milion dollarë”, theksoi ai.