Reperi nga Shqipëria, Skerdi është zhvendosur në Kosovë për ta vazhduar karrierën e tij të suksesshme muzikore.
Këtij fakti ia pa ‘hajrin’ duke u lidhur kështu me një vajzë prishtinase, lidhje të cilën e ka zbuluar në dasmën e Gjikos dhe Elita Rudit,.
Një foto të cilën ai e ka publikuar në Instagram bëri bujë në media dhe vetë ai tha se nuk e priste se do të bëhej kaq e madhe.
‘’Në dasmen e Gjikos kena kalu mrekullushëm, shumë mirë kemi kalua, ka qenë dasma ime e parë në Kosovë.. Më pëlqeu shumë sepse ju kishi disa tradita tjera prej neve, tupana. Në pergjithsi ka qenë njëra ndër dasmat më të mira që i kam pa. E kam qit ni foto po nuk e kam qit me qellim qe me u bo aq e madhe nuk jam asi tipi”, ishin fjalët e tij në një intervistë të fundit për ‘NIN’.
Me shumë pak fjalë, Skerdi foli për herë të parë për lidhjen dhe tha se po i shkon shumë mirë, ani pse jeta është e gjatë dhe nuk dihet se çka do të ndodhë tutje./Kosova Post/
