ZVICER

Qytetet më të ngarkuara me trafik: Cyrihu në vendin e gjashtë

Spread the love

Moska është cilësuar si qyteti me trafikun rrugor më të rënduar në Europë, duke lënë pas Londrën dhe Parisin.

Sipas një studimi të kryer kohët e fundit, shoferët në kryeqytetin rus shpenzojnë rreth 91 orë në vit të bllokuar në trafik, duke qenë se pjesa më e madhe e rusëve parapëlqejnë që të përdorin transportin privat sesa atë publik.

Qyteti i dytë me trafikun më të rënduar rrugor është Londra, ku sipas studimit, londinezët mbeten rreth 73 orë në vit të bllokuar në trafik, shkruan ‘monitor’.

Ndërsa kryeqyteti francez renditet i treti, dhe ku njerëzit shpenzojnë rreth 65 orë në vit të bllokuar në trafik, pavarësisht përpjekjeve të vazhdueshme të autoriteteve vendore për të kufizuar në maksimum përdorimin e automjeteve, përcjell albinfo.ch.

Studimi u krye nga Instituti GoCompare, që analizoi dhe përpunoi të dhënat nga burime të ndryshme, duke përmendur këtu INRIX dhe të dhënat zyrtare nga Departamenti i Transportit.

Duke vazhduar më tej me renditjen, vendin e katërt e zë Stambolli i Turqisë, ku njerëzit humbasin rreth 59 orë në vit të bllokuar në trafik. Pas Stambollit, vjen qyteti rus i Krasnodar, ku njerëzit shpenzojnë rreth 56 orë në vit të bllokuar në trafik.

Renditja vazhdon me Cyrihun, 54 orë në vit të humbura në trafik, Shën Petërburgu (53 orë), Soç (49 orë), Munihu (49 orë) dhe Nizhni Novgorod, Rusi (47 orë).

Në renditjen e 25 qyteteve ndodhen edhe qytetet gjermane, Kolni, Shtutgarti, Hamburgu, Berlini, Frankfurti, Ruhrgebiet dhe Hanover, derisa Lozana ndodhet në vendin e 21-të.

Related posts

Alain Berset është president i ri federal

dritatv

Kështu mund ta fitojnë pasaportën në mënyrë të lehtësuar të huajt e brezit të tretë

dritatv

10 vendet më të mira për të skijuar, tri vendet e para mbahen nga Zvicra

dritatv

Leave a Comment