Ndërsa Qeveria po mban mbledhjen e saj të radhës në qytetin bregdetar të Durrësit, opozita dhe qytetarë protestuan pranë vendgrumbullimit të mbetjeve urbane në Porto Romano duke kërkuar zgjidhje të problemit që po helmon qytetin.
Pas mbledhjes së qeverisë, i pyetur nga gazetarët e Durrësit mbi këtë situatë, kryeministri Edi Rama tha se është në fazë studimi vlerësimi i katastrofës mjedisore të shkaktuar nga mbetjet e patrajtuara urbane, që kanë pushtuar edhe grykëderdhjet e lumenjve Ishëm dhe Erzen.
Ai dha si afat për një vendimmarrje të mundshme vjeshtën e vitit të ardhshëm për ta çliruar Durrësin nga kjo plagë. Rama shkoi më tej duke e shtyrë në kohë ndërhyrjen dhe vlerësuar si mundësi reale që mbetjet e Durrësit të trajtohen në impiantin që po ndërtohet për mbetjet urbane në Tiranë.