Punimet në Orikum-Palasë, bllokohet për një javë lëvizja e mjeteve. Policia: Ja orët kur s’mund të kaloni

Për një javë rresht duke nisur nga sot në mbrëmje, aksi Orikum-Palasë do të bllokohet në mbrëmje për lëvizjen e mjeteve. Arsyeja është ndërtimi i rrugës.

Kështu njofton Policia e Vlorës teksa kërkon mirëkuptimin e drejtuesve të mjeteve dhe jep orët kur nis dhe përfundon bllokimi i lëvizjes.

“Njoftohen të gjithë drejtuesit e mjeteve, se për shkak të punimeve që do të zhvillohen në ndërtimin e segmentit rrugor Orikum – Palasë, ky segmet rrugor do të jetë i kufizuar në të dyja krahët, për të gjitha kategorite e mjeteve duke filluar që sot në orën 21:00 të mbrëmjes, e deri në orën 05:00 të mëngjesit.
Ky bllokim do të jetë për të gjitha kategoritë e mjeteve dhe do të përsëritet çdo ditë përgjatë orëve të natës deri të Shtunën tjetër (19.10.2019).
Kërkojmë mirkuptimin e të gjithë drejtuesve të mjeteve që ta evitojnë këtë aks rrugor përgjatë 8 orëve të natës ose zgjedhin rrugë të tjera alternative”, bën të ditur policia e Vlorës.

- ISLAMSHOP.CH -spot_img

LEXO MË SHUMË

Së fundi