• Home
  • SHQIPERIA
  • Punë në komunitet për Rroshin, PD: Rama nuk e ka seriozisht dekriminalizimin
SHQIPERIA

Punë në komunitet për Rroshin, PD: Rama nuk e ka seriozisht dekriminalizimin

Spread the love

Partia Demokratike ka reaguar pas vendimit për ish-kryebashkiakun e Bashkisë së Kavajës, Elvis Rroshi, duke e quajtur “një provë të qartë se Edi Rama nuk e ka seriozisht procesin e dekriminalizimit dhe po tallet me atë proces jetik për vendin”.

“Vendimi i sotëm i prokurorisë dhe gjykatës për të lënë jashtë burgut mikun e Edi Ramës, ish-kryebashkiakun e Kavajës Elvis Rroshi, i shkarkuar si pasojë e ligjit të dekriminalizimit, është një provë e qartë se Edi Rama nuk e ka seriozisht procesin e dekriminalizimit dhe po tallet me atë proces jetik për vendin. Sot shqiptarët panë se kur ke mik Edi Ramën dhe drejtësinë nën kontroll, i shpëton burgut dhe bën vetëm 60 orë punë për komunitetin. Njësoj shpëtoi nga burgu edhe deputeti tjetër mik i Edi Ramës, Tom Doshi. Partia Demokratike që në fillim ka bërë të qartë se emërimi antikushtetues i Prokurores Private Politike Arta Marku nga Edi Rama u bë për të shpëtuar nga burgu atë, ministrat e tij të korruptuar dhe kryebashkiakët e tij të lidhur me krimin e organizuar. Arta Marku, njësoj si Edi Rama, konstatoi në pretencën e prokurorisë se Elvis Rroshi është një qytetar i nderuar dhe pa rrezikshmëri shoqërore. Prandaj i kërkon gjykatës që ta falë dhe të mos e çojë në burg”, lexohet në deklaratën e PD-së.

“Elvis Rroshi është i dënuar në Itali për veprën e rëndë penale “përdhunim në grup”, si dhe ka disa procedime penale në Gjermani, Zvicër e Itali për trafik droge. Vendimi i sotëm i prokurorisë është një tjetër provë se Arta Marku është në shërbim të Edi Ramës, për të shpëtuar nga burgu të gjithë anëtarët e bandës së tij kriminale, me të cilët erdhi në pushtet dhe po mban pushtetin. Vendimi i sotëm i organeve të drejtësisë është një tjetër provë që Reforma në Drejtësi u përdor nga Edi Rama për të kapur politikisht sistemin gjyqësor, për hallin e tij personal dhe për hallet e bandës së tij kriminale. Sa kohë Edi Rama të jetë në pushtet, rrjeta e drejtësisë nuk do i kap “peshqit e mëdhenjë”, por ato do të dalin nga rrjeta dita ditës. Partia Demokratike garanton opinionin publik se dita e shkëputjes së lidhjeve të Qeverisë me krimin e organizuar nuk do të jetë e largët. Largimi i Edi Ramës do të jetë edhe dita ku drejtësia do të çlirohet nga duart e korrupsionit dhe krimit të organizuar, dhe “peshqit e mëdhenj” do të bien në rrjetën e drejtësisë së pavarur”, shton Partia Demokratike.

Elvis Rroshi do të vazhdojë t’i shërbejë publikut, por jo si kryetar bashkie, por me punë në interes publik. Pikërisht ky ishte edhe vendimi i Gjykatës së Tiranës, e cila e shpalli fajtor për akuzën e falsifikimit të formularëve dhe e dënoi me 60 ditë punë në interes publik. Në fakt, dënimi i parë ndaj Rroshit ishte me 7 muaj e 15 ditë burgim, por për shkak të gjykimit të shkurtuar, kjo masë dënimi iu reduktua në 5 muaj. Duke patur parasysh se Rroshi kishte qëndruar katër muaj në “arrest shtëpie”, masa e dënimit që mbeti për të vuajtur ishte vetëm 1 muaj burgim. Por edhe me kërkesë të prokurorisë dënimi u pezullua duke e vendosur Rroshin në shërbim prove për të bërë 60 orë punë në interes publik.

Top Channel

Related posts

Këto ushqime shkaktojnë rrahje të shpejta të zemrës

dritatv

Me armë në lokalin e natës, policia arreston autorin

dritatv

“Hajdut! Kriminel!”, mazhoranca voton nën “korin” e opozitës; rrëzohet lista e dytë për KLGj e KLP

dritatv

Leave a Comment