• Home
  • SHQIPERIA
  • Presidenti Meta dekreton ndryshimet në ligjin për Lojërat e Fatit
SHQIPERIA

Presidenti Meta dekreton ndryshimet në ligjin për Lojërat e Fatit

Spread the love

Presidenti Ilir Meta dekretoi ligjin për lojërat e fatit. Ligji i ri parashikon që në një janar në asnjë cep të territorit të Shqipërisë të mos hapen pikat e basteve sportive, kazinotë elektronike dhe bingot.

Dekreti i Presidentit vjen pak javë pas miratimit të këtij ligji dhe brenda afatit kushtetues që kërkon presidentit të shprehet. Dekreti i fundit i presidentit për një ligj është ai i fillimit të gushtit dhe pas kësaj date të gjitha ligjet e tjera që ka votuar mazhoranca kanë kaluar në heshtje nga presidenti.

Ligji i ri për lojërat e fatit ishte një lëvizje ekstreme e qeverisë dhe kryeministrit Rama kundër industrisë së kumarit tepër problematike në Shqipëri.

Ndërsa pritej të nisnin efektet e ligjit të vjetër që parashikonte spostimin e pikave te basteve, qeveria me një lëvizje që shkaktoi mjaft debate vendosi që të gjitha bastet të mbylleshin, edhe ato online. Ky vendim u shoqërua me lajmet se deputetet ishin kërcënuar nga eksponentë të krimit të organizuar të cilët kanë interesa direkte në industrinë e kumarit.

Përveç pasojave sociale tepër të rënda, bizhozi në Shqipëri është mënyra se si krimi i organizuar pastron paratë e trafiqeve./Top Channel/

Related posts

Borissov: Të kapërcehet egoizmi i disa vendeve të BE ndaj Ballkanit Perëndimor

dritatv

Rama vjen nga Sofje: Erërat e zgjerimit brenda BE nuk ndihmojnë, po jam optimist

dritatv

Rama pas mbledhjes së qeverisë: Rruga Kardhiq-Delvinë do bëhet realitet

dritatv

Leave a Comment