Përplas për vdekje të moshuarin dhe largohet

Një 75-vjeçar ka humbur jetën si pasojë e një aksidenti të regjistruar në qytetin e Pogradecit. Sipas policisë i moshuari me inicialet J.S. është përplasur nga një automjet, i cili më tej është larguar nga vendi i ngjarjes.

Aksidenti është regjistruar në unazën e qytetit, ku i moshuari ka qenë duke ecur i vetëm, kur është përplasur për vdekje nga automjeti.

Dëshmitarë në vendin e ngjarjes i kanë bërë me dije policisë se ka qenë një Volksëagen Polo mjeti që ka goditur 75-vjeçarin vetëm pak metra larg banesës së tij.

Dyshimet e para pas këqyrjes së vendit të ngjarjes bëjnë me dije se dyshohet që automjeti ka qenë duke lëvizur me shpejtësi të madhe në momentin e aksidentit, çka ka shkaktuar edhe përplasjen e fortë të 75-vjeçarit, i cili ka gjetur vdekjen e menjëhershme.

Kanë qenë banorë të zonës ata të cilët kanë identifikuar viktimën, ndërsa po punohet për të kapur drejtuesin e mjetit.

Top Channel

- ISLAMSHOP.CH -spot_img

LEXO MË SHUMË

Së fundi