Përleshje të reja në Papua Perëndimore të Indonezisë, katër të vrarë

Përplasjet midis protestuesve dhe forcave qeveritare në Jayapura të Indonezisë kanë lënë të paktën katër të vdekur, përfshirë një polic.

Të paktën tre protestues dhe një oficer ushtarak janë raportuar të vrarë dhe disa të tjerë të plagosur pas një vale të re përleshjesh të dhunshme midis demonstruesve dhe forcave qeveritare në rajonin Papua Perëndimore, duke bërë që presidenti Joko Widodo të thërrasë një takim sigurie.

Aloysius Giyai, kreu i zyrës shëndetësore të provincës Papua, tha se të paktën 12 persona që u plagosën, u dërguan në spitalin Bhayangkara dhe Marthen Indey në qytet. Në një intervistë për Al Jazeera, Giyai nuk mundi të konfirmojë nëse tre nga katër viktimat ishin studentë në Universitetin e Cendrawasih, ku u mblodhën fillimisht protestuesit.

Autoritetet më vonë urdhëruan që protestuesit të zhvendosnin protestën jashtë kampusit, i cili rezultoi në përleshje vdekjeprurëse. Albertho Rumsaur, një banor i Jayapura, tha se ishte dëshmitar i përplasjeve midis forcave të përbashkëta policore-ushtarake dhe studentëve.

Papua Perëndimore ishte një koloni holandeze deri në fillim të viteve 1960 kur Indonezia mori kontrollin. Një rebelim i armatosur nga papuanët indigjenë, të cilët përbëjnë rreth gjysmën e popullsisë, ka nisur vitin e kaluar.

Papua Perëndimore është rajoni më i varfër në vend dhe ka pasur pretendime për shkelje të të drejtave të njeriut.

Të paktën 17 njerëz u vranë pasi shpërtheu dhuna në dhjetor, e cila shkaktoi një sulm ushtarak. Rreth 35.000 civilë janë detyruar të braktisin shtëpitë, ndërsa forcat e sigurisë përpiqen të largojnë rebelët nga malet.

- ISLAMSHOP.CH -spot_img

LEXO MË SHUMË

Së fundi