PD: MPB sajon e po nxit dhunë, jemi për protestë paqësore

Sekretari i Përgjithshëm i Partisë Demokratike Gazmend Bardhi në një deklaratë për mediat deklaroi se deklaratat e Ministrisë së Brendshme se në protestë do ketë dhunë janë sajesa.


Bardhi u shpreh se PD ka qenë dhe do të mbetet parti e paqes dhe që do integrimin europian të Shqipërisë, ndërsa ftoi qytetarët që të dalin sot të protestojnë në mënyrë paqësore.

“Deklaratat e Ministrisë së Brendshme nxisin dhunën. Qeveria po qëndron në pushtet me vota të vjedhura. Dhuna nuk ka qenë dhe nuk do të jetë mjet i PD. Deklaratat e Ministrisë së Brendshme se opozita ka prodhuar bomba molotv janë mashtrime që bën MB për të frikësuar qytetarët. PD ka bërë thirrje që të vijnë të gjithë qytetarët që të protestohet në mënyrë paqësore. PD ka refuzuar gjithmonë dhunën”, tha Bardhi.

Deklarata e plotë e Sekretarit të Përgjithshëm të PD Gazmend Bardhi:

Partia Demokratike dënon me ashpërsi deklaratën e Minstrisë së Brendshme si një deklaratë që nxit dhunë dhe nuk i shërben stabilitetit të vendit. Qeveria që qëndron në pushtet me votat e blera nga krimi i organizuar dezinformon dhe mashtron opinionin publik për qëllimin e protestës së opozitës.

Dhuna nuk është dhe nuk do të jetë kurrë qëllim dhe as mjet i Partisë Demokratike. Deklaratat e Ministrisë së Brendshme se Partia Demokratike ka prodhuar dhe ka shpërndarë bomba molotov për protestën e sotme janë një sajesë e neveritshme, që synojnë përplasje, konflikt dhe frikë tek qytetarët. Partia Demokratike ka thirrur sot një marshim proteste të gjithë qytetarëve kundër dhunës, për Shqipërinë si gjithë Europa.

I sigurojmë qytetarët se Partia Demokratike është e angazhuar vetëm për protestë paqësore. Partia Demokratike është parti e lirisë dhe e vlerave europiane dhe euroatlantike, ajo ka refuzuar dhe refuzon dhunën dhe bashkëpunimin me krimin për të ardhur në pushtet. Është e dënueshme çdo përpjekje propagandistike e qeverisë për ta kundërvënë Partinë Demokratike me partnerët tanë, si në rastin e mbishkrimeve në banesën e ambasadorit të OSBE-së. Ne i kërkojmë prokurorisë të zbulojë kush janë autorët e këtij akti të shëmtuar dhe t’i vërë ata paërpara përgjegjësisë.

Dhuna është mjeti kryesor me të cilin Rama mban pushtetin, duke goditur qytetarët e pambrojtur. Është Edi Rama ai që nxorri me gaz lotsjellës nga shtëpitë banorët tek bregu i Lumit, që kërcënon banorët e Astirt me shkatërrimin e shtëpive, që ka futur në burgje mbi 10 mijë qytetarë që nuk paguajnë dot energjinë elektrike, që u ka hequr bukën e gojës mijëra të tjerëve. Ky është zemërimi në rritje i mijëra e mijëra qytetarëve të tjerë, të poshtëruar e të dhunuar nga regjimi I Edi Ranës.

Partia Demokratike është e vendosur të mos bëjë asnjë hap prapa për të drejtën themelore politike të njerëzve të lirë, votën e lirë, të pandikuar nga krimi dhe korrupsioni, njësoj siç ndodh në Shtetet e Bashkuara të Amerikës, në Britani, Francë, Gjermani, Itali dhe kudo. Protestat tona i shërbejnë vetëm këtij qëllimi. Ne jemi distancuar nga dhuna dhe e kemi dënuar atë që gjatë protestës së 11 Majit. Mediat kanë transmetuar live thirrjen e Kryetarit të Partisë Demokratike Lulzim Basha për protestuesit, që të mos cënojnë asnjë polic në krye të detyrës. Skenarët kriminlaë të Edi Ramës, pengimi I së drejtës për të protestuar për opozitës dhuna dhe terrori mbi protestuesit nuk kanë për të na ndalur. Beteja jonë është për Shqipërinë si gjithë Europa, prandaj ne kemi mbështetjen e shumicës së shqiptarëve të ndershëm.

- ISLAMSHOP.CH -

LEXO MË SHUMË

Rrezikon jetën e policit, arrestohet 19-vjeçari

Një 19-vjeçar nga Elbasani për pak sa nuk e ka shtypur një efektiv të policisë rrugore, i cili e kishte ndaluar për kundravajtje. Sipas policisë,...

Bashkia e Tiranës ofron mundësi karriere për të rinjtë

  Bashkia e Tiranës ofron një mundësi intershipi për studentët për një karrierë profesionale. Ajo ka iniciuar projektin “Fillo me një ide- Fito një intership në...

Miqësorja me Shqipërinë, norvegjezët përgatiten në “Selman Stërmasi” (Foto)

Kombëtarja norvegjeze ka mbërritur në Tiranë, në prag të ndeshjes me miqësore me Shqipërinë, që do të zhvillohet nesër në orën 19:00, në "Elbasan...

Së fundi

Turizmi, dega më e goditur nga pandemia, 100 mijë punonjës rrezikojnë mbijetesën

Kreu i Partisë Demokratike, Lulzim Basha, publikon pamje të plazheve të boshatisur, pasi sipas tij, shumica e shqiptarëve e kanë të pamundur të pushojnë me...

Hoti flet pas futjes së xhandarmërisë serbe në Karaçevë: Do të veprojmë sipas Kushtetutës

Kryeministri i Kosovës, Avdullah Hoti, ka folur mbi ngjarjen e djeshme në Karaçevë të Kamenicës, ku xhandarmëri serbe janë parë të hyjnë në atë...

Gjendet trupi i pajetë i një 48-vjeçare në lumin e Vjosës

Shtetasja me inicialet L.M është gjetur e vdekur buzë lumit Vjosë pranë Memaliajt këtë mëngjes. 48 vjeçarja vuante nga probleme të shëndetit mendor prej vitesh...