BALLKANI

Opozita në Maqedoni paralajmëron daljen nga Parlamenti, kryeministri nis pushimet dimërore

Spread the love

Në Maqedoni opozita paralajmëron daljen nga Parlamenti, ndërsa kryeministri nis pushimet dimërore.

Maqedonia ka ndryshuar emrin e saj pas votimit e suksesshëm të ndryshimit të Kushtetutës mbi bazë të Marrëveshjes së Prespës. Ky veprim konsiderohet si tejet i rëndësishëm drejt procesit të anëtarësimit të Maqedonisë në Bashkimin Europian.

Mirëpo, sekretari i përgjithshëm i partisë opozitare, VMRO – DPMNE, Igor Janushev ka deklaruar se ka disa arsye pse opozita kërkon zgjedhje të parakohshme parlamentare bashkë me ato presidenciale.

Janushev përmendi ndryshimet kushtetuese të cilat i vlerësoi si të dhunshme dhe pa vullnetin e popullit, dështimet ekonomike dhe mungesën e reformave.

Sipas tij, dalja e opozitës nga Kuvendi mbetet si veprim i hapur derisa shumica nuk pranon zgjidhje të parakohshme. Janushev gjithashtu shtoi se partia opozitare shqyrton edhe bojkotimin e zgjedhjeve presidenciale në rast se Qeveria nuk pranon kërkesat e tyre.

Por, derisa opozita në Maqedoni ka paralajmëruar mundësinë e paralizimit të punës së Parlamentit të Maqedonisë, kryeministri i Maqedonisë Zoran Zaev i ka shfrytëzuar disa ditë të pushimit dimëror dhe ka udhëtuar në Gjermani.

“Kryeministri Zoran Zaev është në vizitë private në Gjermani dhe do t’i shfrytëzojë ditët e lira. Të gjitha harxhimet për biletat e aeroportit, akomodimit në hotel dhe gjithçka lidhur me harxhimet gjatë udhëtimit do të jenë të mbuluara nga llogaria e Zaevit. Bashkë me kryeministrin, sipas dispozitave ligjore, në detyrë zyrtare do të jenë të pranishëm edhe sigurimi i kryeministrit”, thonë nga Qeveria.

Related posts

Kthesë kritike për Ballkanin Përendimor

dritatv

Vuçiç flet për vizitën në Kosovë, ja si i quan kritikët!

dritatv

Deputetë të Kosovës në Sofje: Serbia po ju bën bisht marrëveshjeve

dritatv

Leave a Comment