OKB do të angazhohet me Turqinë për rivendosjen e refugjatëve

Agjencia e Kombeve të Bashkuara (OKB) për Refugjatë (UNHCR) do të angazhohet me Turqinë për planin e saj për të rivendosur deri në 2 milionë refugjatë sirianë përgjatë kufirit jugor.

Njoftimi i OKB-së erdhi pas bisedimeve pas dyerve të mbyllura që zgjatën një orë mes presidentit turk Recep Tayyip Erdoğan dhe Sekretarit të Përgjithshëm të OKB-së, Antonio Guterres, të mbajtura në rezidencën Vahdettin në Stamboll.

“Presidenti Erdoğan ia prezantoi Sekretarit të Përgjithshëm planin e Turqisë për zona të reja banimi për kthimin e refugjatëve sirianë”, u tha përfaqësuesve të mediave në New York zëdhënësi i OKB-së, Farhan Haq.

“Sekretari i Përgjithshëm theksoi parimet bazike sa i përket kthimit vullnetar, të sigurt dhe me dinjitet të refugjatëve. Ai informoi presidentin se UNHCR menjëherë do të formojë një ekip për të studiuar propozimin dhe do të përfshihet në diskutime me autoritetet turke, në përputhje me mandatin e tij”, tha Haq.

Ai gjithashtu tha se Guterres gjithashtu ka shprehur “vlerësimin e tij të lartë” për mbështetjen turke, duke përfshirë edhe drejtimin e Bankës Teknologjike të OKB-së, e cila mbështet punën zhvillimore në rajon dhe që lufton kërcënimin e ndryshimeve klimatike.

“Ata gjithashtu kishin një shkëmbim konstruktiv të pikëpamjeve lidhur me disa situata në rajon, duke përfshirë Jemenin, Libinë dhe procesin e paqes në Lindjen e Mesme, si dhe disa çështje shtesë me interes të përbashkët në pjesë të tjera të botës”, shtoi Haq.

Operacioni “Burimi i Paqes”, i nisur nga Turqia më 9 tetor, synon të eliminojë elementet terroriste të YPG/PKK-së nga veriu i Sirisë në lindje të lumit Eufrat në mënyrë që të sigurojë kufijtë e Turqisë, të ndihmojë kthimin e sigurt të refugjatëve sirianë dhe të garantojë integritetin territorial të Sirisë.

Guterres mori pjesë në Konferencën e Ndërmjetësimit në Stamboll, ku u mblodhën politikanë, diplomatë dhe të tjerë për të diskutuar teknikat e ndërmjetësimit dhe përdorimit të teknologjive të reja për t’u dhënë fund luftërave.

Në takim gjithashtu ishin të pranishëm edhe ministri i Punëve të Jashtme, Mevlüt Çavuşoğlu, shefi i komunikimeve të Presidencës së Turqisë, Fahrettin Altun, zëdhënësi i Presidencës İbrahim Kalın dhe kreu i Komisionit të Punëve të Jashtme të Parlamentit të Turqisë, Volkan Bozkır.

- ISLAMSHOP.CH -

LEXO MË SHUMË

Beteja për Aubameyang, Dortmund kundër Wenger

Merkato e transferimeve po hyn në zonën e saj më të nxehtë, por po kaq të nxehta janë bërë marëdhëniet mes shumë klubeve. Veçanërisht...

Vuçiç: Vështirë se kthehemi në Kosovë! Kompromisi me shqiptarët, jetik

Në ditën kur Kosova vazhdon kremtimet e 10 viteve të Pavarësisë së saj, presidenti serb Aleksandar Vuçiç deklaroi se kompromisi me shqiptarët është me...

Ministrja Olta Xhaçka bëhet nënë për herë të dytë, vjen në jetë…

Ministrja e Mbrojtjes Olta Xhaçka bëhet nënë për herë të dytë. Burime për “BalkanWeb”...

Së fundi

Lajmet dt: 05 / 08 / 2020

https://youtu.be/3HFTOVxGm-A 181 infeksione të reja me koronavirus jane shenuar gjate 24 oreve te fundit ne zvicer. Zyra Federale e Shëndetit Publik ka raportuar se numri...

Zemaj i bie pishman, e anulon vendimin e djeshëm për rregullimin e çmimit të barnave

Ministri i Shëndetësisë Armend Zemaj sot është takuar me përfaqësues të Odës së Farmacistëve të Kosovës, të Shoqatës Farmaceutike të Kosovës, të Shoqatës së...

MSh: Humbin jetën 6 pacientë, 139 raste të reja në 24 orët e fundit

Ministria e Shëndetësisë konfirmoi sot se janë 139 raste të reja të prekura nga Covid 19, ndërkohë që kanë humbur jetën 6 pacientë, duke...