Një delegacion nga Departamenti i Shtetit Amerikan ka vizituar territoret nën pushtimin e organizatës terroriste PYD/PKK në veri të Sirisë.
Delegacioni në kryesimin e Max Martin ditën e djeshme ka zhvilluar takime me të ashtuquajturin ndihmës bashkëkryetarin e PYD/PKK-së si dhe me krerët e organizatës Fevze Jusuf dhe Bedran Xhija Kurt të ardhur nga Kandili.
Anëtarët e organizatës terroriste në takim kanë përcjellë tek zyrtarët amerikanë kërkesat e tyre për formimin e një sistemi federal në Siri.
Delegacioni më pas ka kaluar në Aynularab (Kobani) ku dhe ka kryer një mbledhje me Ferhad Abdi Shahin që njihet edhe me emrin e koduar Shacin Xhilo, i cili është komandanti i përgjithshëm i Forcave Demokratike të Sirisë (FDS), që është organizata nënkotraktore e PYD/PKK-së.
Gjithashtu delegacioni amerikan ka kryer takime edhe me anëtarët e kuvendit të Rakkas të cilin organizata e ka formuar me qëllim për të treguar sikur qeverisja e Rakkas ndodhet tek civilët. Në këtë takim është biseduar për rindërtimin e qytetit të shndërruar në gërmadhë.
Xhilo, një prej emrave kryesues të stafit të Kandilit, që prej një kohe të gjatë drejton aktet e armatosura të PYD/PKK-së. Zyrtarët amerikanë operacionet në terren i kryejnë më së shumti kryesisht përmes Xhilo-s.
Ndërkohë rikujtohet se Talal Silo, i cili pak kohë më parë ishte arratisur nga rajoni ku ai kryente detyrën si zëdhënës i FDS-së nënkotraktore e organizatës terroriste PYD/PKK-së në Siri, në një deklaratë për AA ishte shprehur se “Mes Xhilo-s dhe qeverisë amerikane ka një koordinim të plotë”.
Martin ka marrë pjesë në delegacionin amerikan që përfaqëson SHBA-në në takimet në Astana të zhvilluara me iniciativën e Turqisë dhe Rusisë, por bëhet e ditur se ai në takimin e fundit nuk ka marrë pjesë./Rtv Drita/
