Nis “spastrimi” në Maqedoninë e Veriut, Katica Janeva shkarkohet nga të gjitha funksionet publike

Ish-kryeprokurorja speciale, Katica Janeva e cila u shkarkua nga detyra javën që shkoi, nuk do të ushtrojë më detyrën e prokurores në Prokurorinë e Gjevgjelisë, atje ku punoi para se të merrte postin e kryeprokurores.

Kjo është vendosur sot nga Këshilli i Prokurorëve. Ajo ka marrë sot këtë lajm nga qelitë e Shutkës, atje ku po qëndron disa javë, e dyshuar për rastin “Reket”. Këshilli ka vendosur që ajo duhet pushuar nga kjo detyrë dhe se nuk mund të kthehet më Prokurorinë e Gjevgjelisë. Kryetari i Këshillit të Prokurorëve, Aco Kolevski i pyetur për këtë çështje tha se është marrë një vendim i tillë dhe ish-kryeprokurorja nuk do të punojë më në Gjevgjeli.

“Po, ajo është shkarkuar dhe se është marrë vendim për ndërprerje të detyrës së saj në Gjevgjeli”, ka theksuar Kolevski, raporton INA.

Janeva në shtator të 2015 u zgjodh kryeprokurore në Prokurorinë Speciale. Ky institucion u themelua për të hetuar dhe zbardhur skandalin e përgjimeve. Ajo në këtë detyrë erdhi nga Prokuroria e Gjevgjelisë, si kompromis midis dy partive më të mëdha LSDM-së dhe VMRO-DPMNE.

- ISLAMSHOP.CH -spot_img

LEXO MË SHUMË

Së fundi