• Home
  • BALLKANI
  • Nën hetim për shpërdorim detyre, reagon zv.kryeministri shqiptar në Maqedoni
BALLKANI

Nën hetim për shpërdorim detyre, reagon zv.kryeministri shqiptar në Maqedoni

Spread the love

Zv/kryeministri i Maqedonisë, Bujar Osmani u shpreh i befasuar nga njoftimi se ndaj tij kanë nisur hetime për shpërdorim të mundshëm të detyrës.

Numri dy i qeverisë maqedonase deklaroi se ka punuar gjithmonë sipas ligjeve dhe në interes të të gjithë qytetarëve të Maqedonisë.

Reagimi i Osmanit erdhi pas lajmit se Prokuroria Speciale në vend ka nisur hetime të reja lidhur me shpërdorimin e detyrës zyrtare, e në mesin e personave të shënjestruar është edhe vet zëvendëskryeministri, i cili në qeverinë e kaluar ka shërbyer si ministër Shëndetësie.

Osmani, i pari zyrtar i BDI-së që përballet me akuzat e Prokurorisë Speciale, nuk e sulmoi hetimin, përkundrazi e cilësoi atë si normal, korrekt dhe një detyrim profesional të Prokurorisë, ndërsa e vendosi veten në dispozicion të plotë të kësaj të fundit, ashtu si dhe kujtdo organi tjetër të drejtësisë në vend, për të bashkëpunuar – siç tha ai, – në interes të identifikimit të gjendjes faktike në tërësi.

“Dua të theksoj, – shtoi Osmani, – se nuk kam asgjë për të fshehur”.

Akuzat e Prokurorisë Speciale, që prekin edhe ish-kryeministrin e Maqedonisë, Nikola Gruevski, dhe ish-zyrtarë të tjerë, kanë për bazë bisedat e përgjuara telefonike, të publikuara në shkurt të vitit 2015. Sipas Prokurorisë Speciale Publike, të akuzuarit dyshohet se kanë dëmtuar buxhetin e shtetit me rreth 80 milionë euro./Top Channel/

Related posts

Nimetz: Me rëndësi të krijohen marrëdhënie të mira midis Maqedonisë dhe Greqisë

dritatv

Alarm në Greqi, tjetër zjarr shpërthen pranë shtëpive

dritatv

Zaev: E kam mbrojtur ligjin e gjuhëve më shumë se BDI-ja

dritatv

Leave a Comment