Ndahen mbi 10 milionë euro për të burgosurit politikë

Mbi 10 milionë euro nga buxheti i Kosovës janë ndarë sivjet për kompensimin financiar të ish të burgosurve politikë. Sipas një dokumenti zyrtar që e posedon gazeta “Zëri”, në tremujorin e parë të këtij viti ka një rritje të shpenzimeve për këtë kategori për rreth 200 për qind në raport me vitin e kaluar, por në Ministrinë e Punës thonë se sivjet ende s’janë realizuar pagesat.

Buxhetit të Kosovës nuk po i kushtojnë shtrenjtë vetëm veteranët e luftës së UÇK-së, por më shumë se dhjetë milionë euro janë paraparë nga arka e shtetit për sivjet edhe për ish të burgosurit politikë.

Në një dokument zyrtar të buxhetit të Kosovës bëhet e ditur se në tremujorin e parë të këtij vitit pagesat për të burgosurit politikë kanë arritur në 6.42 milionë euro, ose për 194 për qind më shumë se shpenzimet që kanë qenë për këtë kategori buxhetore në periudhën e njëjtë të vitit të kaluar.

Por në Ministrinë e Punës dhe Mirëqenies Sociale i kanë thënë gazetës “Zëri” se për të burgosurit politikë nga buxheti i shtetit sivjet janë planifikuar 10.5 milionë euro, ndonëse sipas tyre këtë vit nuk është realizuar ende asnjë pagesë.

“Në këtë vit ende nuk është realizuar asnjë pagesë për këtë kategori nëpërmes Departamentit të Pensioneve. Buxheti i paraparë për këtë vit është 10.500.000.00 euro”, ka thënë Bahri Xhaferi, udhëheqës i Divizionit të Pensioneve në Ministrinë e Punës dhe Mirëqenies Sociale.

- ISLAMSHOP.CH -spot_img

LEXO MË SHUMË

Së fundi