BOTA

Mogherini: BE do të transferojë 1,5 miliardë euro për sirianët në Turqi

Spread the love

Bashkimi Europian do të transferojë 1,5 miliardë euro nga pjesa e dytë prej 3 miliardë eurove të premtuara për sirianët në Turqi, tha shefja e politikës së jashtme të BE-së, Federica Mogherini.

“Do të doja të konfirmoja se do të transferojmë 1,5 miliardë euro nga 3 miliardë eurot e dyta për sirianët në Turqi”, tha Mogherini.

Duke folur në ceremoninë e hapjes së një konference mbi Sirinë të organizuar nga BE dhe OKB në Bruksel, Mogherini theksoi se zgjidhja në Siri nuk mund të jetë ushtarake, por politike.

Turqia strehon më shumë se 3,5 milionë refugjatë sirianë, më shumë se çdo vend tjetër në botë.

Siria është përfshirë nga një luftë shkatërruese civile që nga fillimi i vitit 2011, kur regjimi i Bashar al-Asadit zbatoi dhunë gjatë protestave pro-demokratike.

Që atëherë, sipas OKB-së, qindra mijëra njerëz janë vrarë dhe më shumë se dhjetë milionë të tjerë janë zhvendosur.

Related posts

WSJ: Princi saudit urdhëroi vrasjen e Khashoggit

dritatv

Spanjë, anija Aquarius me 630 migrantë ankorohet në Valencia

dritatv

Kriza e emigrantëve në Europë: a do e rrëzojë Bashkimin Europian?

dritatv

Leave a Comment