• Home
  • KOSOVA
  • Ministrja Hoxha: Programi “Europa për qytetarët”, rast për aplikim në fondin prej 187 milion eurove


KOSOVA

Ministrja Hoxha: Programi “Europa për qytetarët”, rast për aplikim në fondin prej 187 milion eurove



Ministrja e Integrimit Europian, Dhurata Hoxha, ka propozuar për miratim në Kabinetin qeveritar, Projektligjin për ratifikimin e marrëveshjes ndërmjet Kosovës dhe Bashkimit Europian për pjesëmarrjen e Kosovës në programin “Europa për qytetarët”.

Propozimi i Ministres Hoxha, u miratua njëzëri.

Marrëveshja ndërmjet Kosovës dhe Bashkimit Evropian për pjesëmarrjen e Kosovës në programin “Europa për qytetarët” është nënshkruar më 26 qershor 2018 në Bruksel.

Fondi i agjencive të BE-së për këtë program është 187 milion euro dhe i dedikohen fushave si Ndërgjegjësimi për historinë dhe vlerat e përbashkëta europiane, Angazhimi demokratik dhe pjesëmarrja qytetare, Debati i së ardhmes së Europës dhe sfidimi i euro skepticizmit, Nxitja e dialogut ndërkulturor dhe mirëkuptimi i ndërsjellë, Viti evropian i Trashëgimisë kulturore 2018, etj.

Kjo marrëveshje, vuri në dukje Ministrja Hoxha, rregullon anëtarësimin e Kosovës në kuadër të programit “Europa për qytetarët” dhe sipas saj, Kosova do të paguaj anëtarësimin prej 15 mijë eurosh, të cilat janë të planifikuara në kuadër të buxhetit të këtij viti për Ministrinë e Integrimit Europian.

“Pasi të realizohet marrëveshja dhe pagesa e anëtarësimit, organizatat dhe qytetaret nga Kosova mund të aplikojnë gjatë këtij viti në thirrjet për propozime të cilat shpallen nga ky program”, theksoi Ministrja Hoxha.

Ministrja po ashtu, kërkoi ratifikimin në Kuvend të këtij projektligji para pushimeve verore, sepse kështu do ta mundësonte hyrjen në fuqi të marrëveshjes, dhe fillimi i qasjes së aplikuesve nga Kosova në program për të përfituar fonde nga ky program me vlerë prej 187 milion euro./Kopsova Post/

Related posts

“NISMA dhe partia e re social-demokrate mund të bashkëpunojnë për shkak të parimeve”

dritatv

“Tërmet” i ri në PDK! Jo vetëm Lushtaku e Kamishi

dritatv

Edhe Kosova tarifë për rrugën, por do të jetë simbolike

dritatv

Leave a Comment