Ministri Britanik jep dorëheqje për çështjen e shkeljes së masave

Në letrën e tij të dorëheqjes, Ross, anëtar i Partisë Konservatore në pushtet, tha se “një shumicë e madhe e njerëzve” nuk ishin dakord me veprimet e Dominic Cummings, këshilltarit të kryeministrit në qendër të polemikës.

“Nuk kam komentuar publikisht për situatën me Dominic Cummings pasi kam pritur të dëgjoj detajet e plota. Unë e mirëpres deklaratën për të sqaruar çështjen, por mbeten ende disa aspekte për t’u shpjeguar me të cilat kam probleme. Si rezultat i kësaj, unë kam dhënë dorëheqjen si ministër i qeverisë”, tha Ross.

Cummings, këshilltari më i lartë i kryeministrit Johnson, është akuzuar për shkeljen e rregullave të bllokimit duke vozitur mbi 264 milje në të gjithë vendin.

Ai është mbrojtur duke sqaruar se po bënte gjënë e duhur për familjen e tij, pasi që ai dhe gruaja e tij ndjeheshin të sëmurë dhe nuk kishin njeri që të kujdeset për fëmijën e tyre në Londër.

Shpjegimet e tij nuk e kanë ndryshuar ndjeshëm opinionin publik lidhur me çështjen, përveç qeverisë dhe veçanërisht kryeministrit, i cili doli në mbështetje të tij.

Në letrën e tij të dorëheqjes, Ross ndau gjithashtu pikëpamjet e tij për mbrojtjen e Cummings.

“Si babai vetë, instinkti im është të bëj gjithmonë atë që është më e mira për djalin dhe gruan time. Ne kemi pasur fatin që nuk jemi prekur nga ky virus i tmerrshëm, por nëse jemi prekur, ne jemi të gatshëm të ndjekim këshillat e qeverisë dhe të qëndrojmë në shtëpi për ta parandaluar virusin”, tha ai.

“Ndërsa qëllimet mund të kenë qenë të mira, reagimi ndaj këtij lajmi tregon se interpretimi i Z. Cummings i këshillave të qeverisë nuk u nda nga shumica e njerëzve që kanë vepruar ashtu siç kërkoi qeveria”, theksoi ai.

Njëzet deputetë që i përkasin partisë në pushtet dëshirojnë dorëheqjen e Cummings, kurse partitë opozitare do të takohen të martën për të shqyrtuar çështjen.

Disa media lokale, përfshirë edhe Daily Mail që mbështesin konservatorët, gjithashtu kanë bërë thirrje për dorëheqjen e tij.

Kryeministri Johnson shpreh keqardhje për dorëheqjen e tij

Në një deklaratë të shkurtër, Downing Street tha se kryeministri Johnson “shpreh keqardhje” për vendimin e Ross për dorëheqje.

“Kryeministri dëshiron të falënderojë Douglas Ross për shërbimin e tij ndaj qeverisë dhe shpreh keqardhje për vendimin e tij për dorëheqje si sekretar parlamentar i shtetit për Skocinë”,

- ISLAMSHOP.CH -

LEXO MË SHUMË

Sakrifica e nënës nga Prishtina që mban familjen, s’kanë as shtëpi e as bukë për t’u ngopur

“Qe 10 vjet kam mbetur pa asnjë zgjidhje. Nuk kam shpresë më për asgjë. Jam mbështetur vetëm te Zoti”. Me këto fjalë 44-vjeçarja Minire Bujupi...

Protesta e 8-të e opozitës, Basha thirrje qytetarëve të marrin pjesë

Përmes një statusi në Facebook, të shoqëruar edhe me një video, kreu i opozitës, Lulzim Basha u bën thirrje qytetarëve që të marrin pjesë...

Kosovë, ministrja e Drejtësisë anulon provimin për noterët e rinj

Ministrja e Drejtësisë së Kosovës, Albulena Haxhiu, nëpërmjet një konference për media sot ka bërë të ditur se ka anuluar provimin e...

Së fundi

Hoti: Nuk do të hezitoj ta kërkoj. Thaçi: Qytetarët të zbatojnë masat rigorozisht

Kryeministri i Kosovës, Avdullah Hoti ka paralajmëruar vendosjen e gjendjes së jashtëzakonshme për shkak të përkeqësimit të situatës me koronavirus. Nga foltorja e Kuvendit, Hoti...

Hajdari paralajmëron krijimin e partisë së re: Shqiptarët duan një alternativë tjetër

Një ditë pas daljes publike të liderit të PD-së Lulzim Basha për listat e hapura, ku sulmoi ashpër kryeministrin Edi Rama, vjen një reagim...

Publikohet tjetër përgjim i Zoran Zaevit, ja çfarë thotë për Ali Ahmetin dhe rastin që po hetohej

Një tjetër përgjim i ashtuquajtur ‘’bombë’’ është publikuar nga mediat në Maqedoninë e Veriut vetëm pak ditë para zgjedhjeve, pikërisht për ish= kryeministrin Zoran...