Merkel: Interesi i Europës është një Ballkan Perëndimor i sigurt

Me qëllim të paqes dhe sigurisë për të gjithë, Ballkani Perëndimor duhet të jetë i sigurtë, deklaroi të enjten në Sofje kancelarja gjermane, Angela Merkel.

Merkel theksoi se kjo është në interesin e Evropës. “Me qëllim të paqes dhe sigurisë për të gjithë ne, është e një rëndësie të kemi një Ballkan Perëndimor i cili zhvillohet mirë ekonomikisht”, tha Merkel, pjesëmarrëse në samitin BE-Ballkani Perëndimor që po mbahet në kryeqytetin bullgar.

Ajo lavdëroi nikoqirin e Samitit, kryeministrin bullgar, Bojko Borisov, për siç tha, “organizimin e shkëlqyer të eventit”. “Pjesa më e madhe e Ballkanit Perëndimor garanton paqe dhe siguri për të gjithë ne, ndërsa Bojko Borisov ka investuar shumë mund në këtë çështje”, tha ajo.

Për marrëveshjen bërthamore me Iranin, Merkel tha se i gjithë Bashkimi Evropian është i mendimit se marrëveshja në fjalë nuk është e përkryer, megjithatë duhet të mirëmbahet, dhe të vazhdojnë negociatat me Iranin.

Kryeministri Borisov, u tha gazetarëve se ardhja në Sofje e përfaqësuesve të lartë të Unionit dhe liderëve të shteteve anëtare të BE-së dhe atyre të Ballkanit Perëndimor është një shenjë shumë e mirë.

Borisov priti në Sofje kancelaren Merkel, si dhe kryeministren britanike, Theresa May dhe presidentin francez, Emmanuel Macron, të cilët në Pallatin Kombëtar të Kulturës ku u mbajt Samiti, erdhën bashkë.

Macron u tha gazetarëve se personalisht angazhohet për një dijalog të përforcuar me Ballkanin Perëndimor dhe një perspektive evropiane të atyre shteteve, por se me një kujdes të madh duhet ti qasemi secilit zgjërim, para zbatimit të reformave në BE për funksionim më të mirë të Unionit.

Gazetarëve iu drejtua edhe kryeministrja britanike May, e cila tha se përkundër Brexitit, Londra mbetet e përkushtuar për një lidhje me shtetet e Ballkanit Perëndimor, duke theksuar se në korrik do të mbahet një takim i liderëve të shteteve nga Procesi i Berlinit, në lidhje me sigurinë. “Për ne, stabiliteti dhe siguria e Ballkanit është një temë shumë e rëndësishme”, nënvizoi ajo.

Në samit, përveç krerëve të shteteve dhe qeverive të shteteve anëtare dhe zyrtarëve të lartë të BE-së, gjithashtu marrin pjesë udhëheqës nga Ballkani Perëndimor. Udhëheqësit e Shqipërisë, Bosnjë e Hercegovinës, Serbisë, Malit të Zi, Maqedonisë dhe Kosovës marrin pjesë në Samit. Nikoqir i takimit është kryeministri bullgar Bojko Borisov, ndërsa me takimin do të kryesojë presidenti i Këshillit Evropian, Donald Tusk. Ai përfaqëson BE-në, si dhe presidenti i Komisionit Evropian, Jean-Claude Juncker.

Po ashtu, në samit marrin pjesë edhe presidenti i Parlamentit Evropian, Antonio Tajani, përfaqësuesja e lartë e BE-së për Politikë të Jashtme dhe Siguri, Federica Mogherini, eurokomisioneri për Zgjerim dhe Politikë Fqinjësore, Johannes Hahn si dhe përfaqësues të Bankës Botërore.

- ISLAMSHOP.CH -spot_img

LEXO MË SHUMË

Së fundi