KURIOZITETE

Me vizatimet e saj tregon përvojat e hidhura të grave afgane

Spread the love

Rubaba Muhammedi nga Afganistani, duart dhe këmbët e së cilës janë të paralizuara, përmes vizatimeve të saj të bëra me gojë, rrëfen vështirësitë e grave afgane.

18 vjeçarja Muhammedi e cila jeton në krahinën Gazne të Afganistanit, vizatimet e saj po i bën duke e mbajtur lapsin apo brushat në gojë, meqë këmbët dhe duart e saj janë të paralizuara nga lindja.

Muhammedi në një intervistë për Agjensinë Anadolli thotë se që nga mosha e vogël ka filluar që të pikturojë dhe se nuk ka marrë ndonjë edukim për këtë.

“Me vizatimet që i bëj me laps të cilin e drejtoj me gojë përpiqem që t’i tregoj vështirësitë të cilat po i përjetojnë gratë afgane.”, thotë Muhammedi, duke shtuar se përkrahjen më të madhe për këtë çështje e merr nga familja e saj.

– “Është shumë vështirë të jesh grua në Afganistan”

Duke vënë në dukje se është shumë vështirë të jesh grua në Afganistan, Muhammedi thotë se gratë ende po i nënshtrohen dhunës dhe llojeve të ndryshme të abuzimeve.

Ajo thotë se që kur ishte e vogël ka filluar që të bëjë vizatime si për veten ashtu edhe për miqtë e saj me lapsin, të cilin e drejton me gojë.

“Duke e pikturuar vizatimin e njëjtë, i zbulova hijet, detajet që duhet të jenë dhe fillova të vizatoj më shpejtë”, thotë Muhammedi.

Sipas saj në qoftë se personat me aftësi të kufizuara nuk e zhvillojnë veten atëherë ata do të vazhdojnë të jenë viktimë e vështirësive të jetës. Muhammedi thotë se këta persona, së pari duhet të mësojnë t’i besojnë vetvetes.

– E do shumë Erdoganin

Përkundër asaj që nuk e njeh gjuhën turke, Muhammedi nga televizioni i shikon fjalimet e presidentit të Turqisë, Recep Tayyip Erdogan dhe thotë se është një adhuruese e tij. “Erdoğan është një lider i cili e do popullin e vet dhe edhe populli i tij e do atë”, thotë Muhammedi.

Duke folur edhe për dashurinë e saj për Turqinë ajo tregon se ka edhe vizatime për 15 korrikun, tentativën për grusht shteti në Turqi.

Pasi që ka shikuar nga televizioni tentativën për grusht shteti, Muhammedi thotë se ka kuptuar se sa e do populli presidentin dhe se edhe ajo e ka pikturuar këtë rezistencë me dashuri.

Duke treguar se në pikturën e 15 korrikut të vizatuar nga ajo, dora e cila shihet se është bërë mburojë e plumbave është dora e presidentit të Turqisë Erdogan, Muhammedi thotë se “Në këtë vizatim u përpoqa të tregoj se sa shumë e do populli Erdoganin dhe se edhe ai e bën mburojë veten kundër kërcënimeve ndaj popullit të tij”.

– Jetojnë 1 milion persona me aftësi të kufizuar

Në Afganistan me një popullsi prej 33 milionë banorë jetojnë rreth 1 milion persona me aftësi të kufizuara, të cilët po përpiqen të mbijetojnë në kushte të vështira.

Sipas zyrtarëve afganë, pjesa e madhe e personave me aftësi të kufizuara nuk arrijnë të gjejnë punë, disa nuk kanë mbështetje ekonomike, kurse disa të tjerë po mbijetojnë me ndihmat e organizatave humanitare ndërkombëtare./Rtv Drita/

Related posts

Truqet e thjeshta që iu ndihmojnë parandalimin e avullimit të xhamave në makinë!

dritatv

“Supermani” 10-vjeçar thyen rekordin e Michael Phelps

dritatv

Portieri i Ramazanit: aktrimi i portierit tunizian që po bën xhiron e botës

dritatv

Leave a Comment