• Home
  • SHQIPERIA
  • Llalla në KPA, komisioneri publik: A është nënshkruar nga magjistrati dorëheqja e dërguar me postë?
SHQIPERIA

Llalla në KPA, komisioneri publik: A është nënshkruar nga magjistrati dorëheqja e dërguar me postë?

Spread the love

Në Kolegjin e Posaçëm të Apelimit ka nisur seanca për ish prokurorin e Përgjithshëm Adriatik Llalla, lidhur me procesin e rivlerësimit ndaj tij.

Vetë Llalla nuk ka qenë i pranishëm por përfaqësohet nga avokati i tij Sokol Hazizaj. Komisioneri publik Florian Ballhysa kërkoi prishjen e vendimit të KPK për Llallën, për ndërprerje të procesit të rivlerësimit.

Sipas komisionerit, Llalla është ende magjistrat, pasi sipas tij dorëheqja e ish kryeprokurorit nuk është shprehur përmes formës dhe procedurës ligjore, prandaj është nul.

“Pa u materializuar dorëheqja në formën e procedurën e parashikuar në ligj nuk mund të prodhojë asnjë efekt juridik, qoftë ky dhe ndërprerja e procedurave të vlerësimit kalimtar. A është nënshkruar nga vetë magjistrati dorëheqja kur dorëheqja është bërë me postë? Ditën që mbaron mandati i institucionit të rivlerësimit, gati 4 vite më pas nga dita e sotme që po zhvillohet ky gjykim, ai ka gjithë të drejtën të kërkojë rikthimin në sistem duke mos e kaluar kurrë kështu procesin e rivlerësimit”, tha Ballhysa.

Ndërkohë avokati i Llallës, Sokol Hazizaj thotë se komisioneri nuk iu referua argumenteve të seancës së mëparshme./Top Channel/

Related posts

Shpërthim në Lushnjë, eksploziv makinës së 20-vjeçarit

dritatv

Grabitja e tokave në Tiranë, Prokuroria kërkon 7 vite burg për përgjegjësen e Kadastrës

dritatv

Protesta për “Unazën e Re”, banorët shkojnë në bashki

dritatv

Leave a Comment