Mijëra ekspertë të teknologjisë së lartë të botës kërkuan ndalim global të zhvillimit të armëve vdekjeprurëse në formë dronësh, duke paralajmëruar se po bëhen instrumente të dhunës dhe shtypjes.
Më shumë se 2,400 individë dhe 150 kompani nga 90 vende të ndryshme u zotuan të mos marrin pjesë në ndërtimin, tregtimin ose përdorimin e armëve autonome, në një zotim të nënshkruar të mërkurën në Konferencën e Përbashkët Ndërkombëtare mbi Inteligjencën Artificiale në Stokholm të Suedisë.
Elon Musk, CEO i SpaceX dhe Tesla, dhe përfaqësuesit e degës DeepMind të Google ishin midis përkrahësve të marrëveshjes.
“Vendimi për të marrë një jetë njerëziu kurrë nuk duhet të delegohet në një makinë”, u tha një deklaratë. “Armët vdekjeprurëse autonome – përzgjedhja dhe angazhimi i objektivave pa ndërhyrjen njerëzore – do të rrezikojnë njerëzit dhe do të shkaktojnë destabilizim.”
Ndalimi i parablerjes
Armët autonome, të njohura edhe si robotë vrasës, apo areoplanë dronë, janë të aftë të identifikojnë, targetojnë dhe vrasin cilindo person pa ndonjë përfshirje të njeriut në procesin e vendimmarrjes.
Shtetet e Bashkuara, Rusia, Kina, Izraeli, Koreja e Jugut dhe Mbretëria e Bashkuar kanë sisteme armësh pjesërisht autonome si avionë të armatosur, sipas Human Rights Ëatch.
Grupi, i cili është anëtar themelues i fushatës globale për të ndaluar teknologjitë e tilla vrasëse, ka bërë thirrje për ndalesën e këtyre armëe duke argumentuar se këto armë do të ishin në kundërshtim me ligjin ndërkombëtar humanitar që qeverisë me përdorimin e forcës.
26 vende kanë shprehur publikisht mbështetjen për ndalim, përfshirë Brazilin, Kinën, Kubën, Egjiptin, Irakun, Pakistanin, Venezuelën dhe Zimbabven.
Zyrtarët e OKB-së planifikohet të takohen muajin e ardhshëm për të diskutuar politikën e ardhshme në përputhje me Konventën e OKB-së për disa armë konvencionale, e cila kërkon të kufizojë ose të ndalojë përdorimin e armëve të veçanta.
Max Tegmark, president i Institutit të” Ardhmërisë së Jetës”, vlerësoi përkrahësit e zotimit për “zbatimin e një politike që politikanët deri tani nuk kanë arritur të zbatojnë”.
“Inteligjenca artificiale ka një potencial të madh për të ndihmuar botën, nëse ne parandalojmë abuzimin me të. Armët e inteligjencës artificiale që autonomisht vendosin të vrasin njerëzit janë po aq të neveritshme dhe destabilizuese sa armët nukleare, dhe duhet të trajtohen në të njëjtën mënyrë”, tha Tegmark. /MESAZHI/
