Kurti : Do të vazhdojmë si qeveri në detyrë

Kryeministri në detyrë  i Kosovës, Albin Kurti ka reaguar për rrëzimin që iu bë mbrëmë nga parlamenti i Kosovës nga një mocion i inicuar nga ish-partneri i tij qeverisës, LDK-ja.

Kurti me anë të një postimi në Facebook ka thënë se kjo ishte një rënie e domosdoshme, për ngritjen e nevojshme, shkruan lajmi.net.

Sipas Kurtit, mbledhja e djeshme e Kuvendit do të ishte mirë të mbahej mend gjatë, mirëpo se kështu nuk do të ndodhë sipas tij, pasi që ai shprehet i bindur në një fitore.

“Ndërkaq kuptimi i mosbesimit ishte porosia ambasadorit Grenell: në Kosovë janë mbi 80 deputetë të gatshëm të rrezikojnë edhe jetët e qytetarëve vetëm që të kalojë shkëmbimi presidencial”, ka shkruar Kurti.

Postimi i plotë në Facebook nga Albin Kurti:

Ishte kjo një rënie e domosdoshme për ngritjen e nevojshme. Pa rënë qeveria si përbërje nuk bëhet dot qeverisja si përmbajtje. Jo se e kemi ditur, gjithsesi e morëm vesh.

Mbledhja e djeshme e kuvendit do të ishte mirë të mbahej mend gjatë. Mirëpo, nuk do të ndodhë kështu, sepse ne do të fitojmë. Pra, e ardhmja është e jona, ndërkohë që do ta humbim një tragjedi.

Ky kuvend nuk e beson këtë qeveri sepse i nënshtrohet qeverisë si të tillë. Qeveria jonë nuk e beson këtë kuvend sepse e dashuron kuvendin si të tillë.

Saktë e kishte thënë mbrëmë Prof. Enver Hasani: mosbesimi ishte koniuktural. Kur përfaqësimi demokratik bie në koniukturë politike, tjetërsimi bëhet normë.

Qëllimi i mosbesimit nuk ishte rrëzimi i qeverisë sa dobësimi i qeverisjes. Ndërkaq kuptimi i mosbesimit ishte porosia ambasadorit Grenell: në Kosovë janë mbi 80 deputetë të gatshëm të rrezikojnë edhe jetët e qytetarëve vetëm që të kalojë shkëmbimi presidencial.

Do të vazhdojmë si qeveri në detyrë. Jemi qeveri me detyra dhe jo qeveri e detyruar.

Para së gjithash, duhet ta luftojmë bashkë pandeminë Covid-19. Mbi të gjitha, le t’i rrimë popullit afër se Kosova është shtëpia jonë.

- ISLAMSHOP.CH -

LEXO MË SHUMË

Portugalia shpallet kampione e Ligës së Kombeve

Portugalia e Cristiano Ronaldos fiton edicionin e parë të Nations League dhe shkruan emrin në librat e historisë. Në Estadio do Dragao të Portos, luzitanët...

Pacolli uron Mauritius-in, thirrje që ta njohë Kosovën

      Ministri i Jashtëm i ka dërguar letër urimi Republikës së Mauritius-it për 50 vjetorin e Pavarësisë Zëvendëskryeministri dhe Ministri i Jashtëm i Kosovës, Behgjet...

Shënohet rritje e eksporteve të kompanive turke në Ballkan

  Eksportet e kompanive turke në Ballkan janë rritur me 22.1 për qind në 5 muajt e parë të vitit, duke arritur në 3 miliardë...

Së fundi

COVID-19: Numri i vdekjeve në Mbretërinë e Bashkuar rritet në 5.373

Mbretëria e Bashkuar ka raportuar 439 raste të reja të vdekjeve që ndërlidhen me koronavirusin e ri (COVID-19). Sipas Departamentit të Shëndetësisë dhe Kujdesit Social,...

Korisha futet në karantinë, testohen 25 persona që patën kontakt me 70-vjeçaren e ndjerë

Një burrë 59 vjeç dhe një grua 70 vjeçe janë dy viktimat e fundit në Kosovë, të cilët kanë ndërruar jetë gjatë 24-orëve të...

Turqi, rritet në 649 numri i të vdekurve nga COVID-19

Turqia ka informuar për rastet e reja të koronavirusit të ri (COVID-19), përderisa vazhdon përpjekjet për të frenuar përhapjen e virusit. Ministri i Shëndetësisë së...