SHQIPERIA

Kryeprokurorja e përkohshme Arta Marku kalon Vetingun, rikonfirmohet në detyrë

Spread the love

Prokurorja e Përgjithshme e përkohshme Artak Marku e ka kaluar Vetingun dhe është rikonfirmuar në detyrë. Komisioni i Pavarur i Kualifikimit e ka dhënë vendimin në orën 10:00.

Kryetarja e trupit gjykues, Genta Tafa Bungo deklaroi konfirmimin në detyrë të zonjës Arta Marku. Vendimi i arsyetuar me shkrim i njoftohet subjekti dhe vëzhguesve ndërkombëtarë brenda 30 ditëve nga data e shpalljes së këtij vendimi.

Seanca dëgjimore për Arta Markun u zhvillua dje por pa praninë e saj. Marku u përfaqësua nga avokatja Lirime Çukaj, e cila iu përgjigj pyetjes së trupit gjykues dhe vëzhguesve të huaj se Marku kështu e kishte parë të arsyeshme.

Kryetarja e trupit gjykues Genta Tafa Bungo pati vërejtje për mungesën e Markut në seancën e Vetingut ashtu si dhe vëzhguesi i ONM, Theo Jacobson. Ai tha: “Jam i zhgënjyer për mungesën e Prokurorit të Përgjithshëm të Përkohshëm, sepse do ta mirëprisja një debat të hapur profesional mbi disa çështje ligjore. “Kjo mungesë nuk është një shenjë lidershipi, sepse ky i fundit përbëhet nga autoriteti por edhe nga llogaridhënia,” theksoi Jacobson.

Po ashtu, për Markun reagoi edhe opozita. Partia Demokratike deklaroi se për gjykimin e saj, KPK po përdoret standarte të dyfishta duke mos marrë parasysh shkeljet nga ish-prokurorja Arta Marku.

© SYRI.net

Related posts

Protesta, studentët përpilojnë kërkesat e panegociueshme

dritatv

Opozita kthehet në Kuvend, debate në komisione për koncesionet me PPP

dritatv

Basha, në Kukës: Rama ka ndjekur politikë spastrimi

dritatv

Leave a Comment