Pas debateve të shumta ne lidhje me një marrëveshje të mundëshme të detit mes Shqipërisë dhe Greqisë, Ministri i Jashtëm i Greqisë Nikos Kotzias gjatë interpelancës në parlament ka folur sërish për këto negociata. Ai e ka konsideruar marrëveshjen e 2009 si një marrëveshje fantazmë.
“Një marrëveshje e vërtetë është njëmijë here më e mirë se një marrëveshje fantazmë si ajo e vitit 2009. Kemi tre alternativa, ose të mos bëjmë marrëveshje, ose të pranojmë vendimet e Gjykatës Kushtetuese, ose të përpiqemi të korrigjojmë çështjet teknike”, ka thënë Kotzias.
Kreu i diplomacisë greke tha se grupi negociator i palës greke përbëhet nga 10 persona, shkruan ora news
“Grupi ynë negociator përbëhet nga 10 persona. 8 janë zyrtarë të ministrisë së jashtme, një personalitet i të drejtës ndërkombëtare dhe një specialist i hatrografisë”.
Duke folur për situatën në Shqipëri për atë çka po ndodh për këto negociata, Kotzias tha: “Në këto momente MPJ shqiptare po diskuton me presidentin për plotfuqishmërinë. Kjo plotfuqishmëri do të bazohet në vendimin e GjykatësKushtetuese, që për ne nuk është vendim i duhur”, deklaroi Kotzias.
