Koronavirusi, Maqedonia e Veriut zgjat gjendjen e jashtëzakonshme

Presidenti i Maqedonisë së Veriut, Stevo Pendarovski, shpalli gjendje të re të jashtëzakonshme për 14 ditë për shkak të krizës së krijuar nga pandemia, e cila do të fillojë sot.

Dje u mbajt seanca e shtatë e Këshillit të Sigurisë për të diskutuar rrjedhën e gjendjes së jashtëzakonshme e cila ishte shpallur për shkak të pandemisë COVID-19.

Pas takimit, presidenti Pendarovski mbajti një konferencë për shtyp.

Pendarovski tha se ditët e fundit, për fat të keq, numri i rasteve me COVID-19 dhe numri i vdekjeve po rritet, duke shtuar se ekziston shqetësim serioz për disa komuna.

Duke theksuar se vendimi për 14 ditët e reja ka të bëjë jashtëzakonisht me atë që qeverisë t’i mundësohet t’i menaxhojë në mënyrë më efektive efektet e pandemisë në shëndetësi, por edhe ato ekonomike dhe sociale, Pendarovski tha se kjo nuk ka asnjë lidhje me datën e zgjedhjeve parlamentare.

Ai falënderoi shumicën dërrmuese të qytetarëve për respektimin e rekomandimeve tashmë tre muaj, duke shtuar se qytetarët nuk duhen të shkujdesen dhe të vënë në pikëpyetje të gjitha rezultatet pozitive deri më tani në luftën kundër pandemisë.

Duke iu drejtuar qeverisë, Pendarovski tha se tendencat negative në disa komuna nuk duhet të jenë rast për të kthyer masat kufizuese në gjithë territorin dhe për të gjithë qytetarët.

Në një porosi për liderët politikë, presidenti i Maqedonisë së Veriut kujtoi se shteti aktualisht nuk ka parlament, se ka një qeveri teknike që ka autorizime të kufizuara dhe se situata është shumë serioze.

Kujtojmë se Presidenti i Maqedonisë së Veriut, Stevo Pendarovski, shpalli gjendje të jashtëzakonshme më 18 mars të këtij viti, me kërkesë të qeverisë, me qëllim të luftës kundër përhapjes së koronavirusit. Një muaj më vonë, Pendarovski shpalli një gjendje të re 30-ditore të jashtëzakonshme. Më 15 maj, gjendja e jashtëzakonshme u vazhdua edhe për 14 ditë të tjera.

- ISLAMSHOP.CH -

LEXO MË SHUMË

Kalin: Turqia po bën të duhurën për interesat e saj kombëtare

Zëdhënësi i Presidencës së Turqisë, Ibrahim Kalin, tha se Turqia është duke bërë gjënë e nevojshme për interesat e saj kombëtare me operacionin...

Hoti është falenderues për kontributin e kryetarit të degës së LDK-së në Beneluks

Kryetari i Grupit Parlamentar i LDK-së, z. AvdullahHoi së bashku me kolegë nga Grupi Parlamentar dhe Kryesia e LDK-së, kanë pritur sot në takim...

Smajl Latifi, zyrtarisht kryetar i Rahovecit

Kryetari i zgjedhur i Rahovecit, Smajl Latifi, ka pranuar sot edhe zyrtarisht detyrën e të parit të kësaj Komune. Dorëzimi-pranimi i detyrës u bë në...

Së fundi

Hoti: Nuk do të hezitoj ta kërkoj. Thaçi: Qytetarët të zbatojnë masat rigorozisht

Kryeministri i Kosovës, Avdullah Hoti ka paralajmëruar vendosjen e gjendjes së jashtëzakonshme për shkak të përkeqësimit të situatës me koronavirus. Nga foltorja e Kuvendit, Hoti...

Hajdari paralajmëron krijimin e partisë së re: Shqiptarët duan një alternativë tjetër

Një ditë pas daljes publike të liderit të PD-së Lulzim Basha për listat e hapura, ku sulmoi ashpër kryeministrin Edi Rama, vjen një reagim...

Publikohet tjetër përgjim i Zoran Zaevit, ja çfarë thotë për Ali Ahmetin dhe rastin që po hetohej

Një tjetër përgjim i ashtuquajtur ‘’bombë’’ është publikuar nga mediat në Maqedoninë e Veriut vetëm pak ditë para zgjedhjeve, pikërisht për ish= kryeministrin Zoran...