Kontroll kumarit, policia dhe tatimet kërkojnë pikat e basteve pa licencë

Policia e Shtetit në bashkëpunim me hetimin tatimor dhe njësinë e mbikqyrjes së lojrave të fatit prej së martës kanë nisur një kontroll në terren ndaj subjekteve që ushtrojnë aktivitetin në fushën e kumarit.

Burime konfidenciale thanë për Top Chanel se kontrolli po ushtrohet në të gjithë qytetet e vendit ku nga analiza paraprake rezulton se ka subjekte që operojnë në mënyrë të paligjshme.

Mënyra e kontrolleve është parashikuar në një plan konkret masash i miratuar nga 3 institucionet që janë përfshirë në këtë operacion. Rezultatet e para flasin për dhjetra subjekte që janë konstatuar në kundërshtim me ligjin, 5 prej të cilave vetëm në Tiranë.

Sipas burimeve janë konstatuar pika bastesh sportive që mbanin edhe “makineta” të lojërave të fatit pa licencë. Po sipas burimeve në këto subjekte janë konstatuar edhe punonjës të pasiguruar. Subjekte të kumarit në kundërshtim me ligjin janë konstatuar edhe në Durrës dhe Lezhë ndërkohë që plani i masave parashikon shtrirjen e kontrolleve edhe në qytete të tjera problematike.

Top Chanel ka sjellë në vëmendje jo pak herë përhapjen masive të pikave të kumarit, të cilat janë bërë shkaktarë për efekte të tjera sociale me pasoja në shoqërinë shqiptare, si divorcet apo varësia që shkakton ky aktivitet. Para nisjes së operacionit të parë, të quajtur “Fundi i Marrëzisë”, në gjithë vendin ishin më pak se një mijë pika bastesh.

Pas operacionit pikat e basteve u katërfishuan me ligj dhe kjo u bë me lobim të deputetëve të mazhorancës të cilët disa herë rresht ndërhynë për të ndryshuar ligjin e lojërave të fatit për t’i lejuar kumarit të zgjerohet. Operacioni i fundit i nisur nga institucionet shtetërore në mënyrë diskrete deri më tani nuk ka nxjerrë shifra domethënëse të penalizimit të paligjshmërisë.

Ligji i ri pritet që të hyjë në fuqi pas disa muajsh dhe deri më tani në terren nuk shikohet asnjë lëvizje për marrjen e masave për të plotësuar kriteret e tij, një prej të cilave është që kumari duhet të jetë 100 metra larg shkollave apo objekteve të kultit. Ky është kriteri i zbuluar me lobim deputetësh, por deri në hyrjen në fuqi të ligjit, Kuvendi ka ende punë dhe lobimet vijojnë./Top Channel/

- ISLAMSHOP.CH -

LEXO MË SHUMË

“Qetësi para stuhisë”, 140 liderë botërorë mblidhen në Nju Jork

Nju Jorku do të jetë mikëpritësi i 140 liderëve nga mbarë bota, në kuadër të Asamblesë së Përgjithshme të OKB-së e cila do të...

“Tokio 2020”, me medalje të prodhuara nga riciklimi i celularëve

Komiteti Organizativ i Lojërave Olimpike dhe Paralimpike 2020 duket se është në rrugën e duhur për realizimin e projektit të krijimit të medaljeve për...

Turqi, projekti “Shkolla pa këpucë” u mundëson fëmijëve të ndihen si në shtëpi

Fëmijët kanë filluar të ndihen si në shtëpi në një shkollë në provincën perëndimore turke Aydın pas fillimit të projektit "Shkolla pa këpucë", i...

Së fundi

Manastirliu tek ‘Shefqet Ndroqi’: Nisin përgatitjet për ta kthyer në COVID2

Teksa shifrat e të prekurve me COVID-19 janë rritur ndjeshëm në vendin tonë, në spitalin Universitar “Shefqet Ndroqi”, ku kanë nisur përgatitjet për t’u...

Maqedoni: 123 persona të shëruar dhe 88 raste të reja me covid-19 gjatë 24 orëve të fundit

Ministria e Shëndetësisë informon se në 24 orët e fundit janë realizuar 973 teste, ndërsa janë regjistruar 88 raste të reja me COVID-19. Sipas qyteteve:...

Mosrespektimi i masave, dënimi deri në 12 vjet burgim e 8 mijë euro gjobë

Policia e Kosovës nga dita e martë do të nisë shqiptimin e gjobave për qytetarët që nuk respektojnë masat e dala nga Qeveria e...