TEKNOLOGJI

Komunikim me anë të dritës?! Shkencëtarja përpiqet të zëvendësojë radiovalët!

Spread the love

Në shumë pajisje që komunikojnë përmes frekuencave, valët radiofonike janë rruga e përdorur për shkëmbimin e informacionit. Por, kur niveli i tij rritet, rrjedhimisht procesi ngadalësohet.

Me në mendje trafikun e rënduar të shkëmbimit të të dhënave, studiuesja e shkencave kompjuterike, Xia Zhou po përdor një tjetër mënyrë për kalimin e informacionit: rrezet e dritës.

“Në komunikimin e sotëm ne përdorim radiovalët. Ideja ime është të shqyrtojmë mundësinë e komunikimit nëpërmjet spektrit të dritës së dukshme”, ka thënë shkencëtarja.

Në këtë nismë, Xia mbështetet nga Fondacioni Kombëtar amerikan i Shkencës dhe një ekip i Kolegjit “Dartmouth”, që po zhvillojnë teknologjinë e quajtur “Li-Fi” për të transmetuar të dhënat duke përdorur pajisjet e ndriçimit në shtëpitë tona.

Falë saj, mjafton të montohet një modul i vogël dhe çdo llambë LED mund të kthehet në pajisje komunikimi në distancë. Por, teknologjia “Li-Fi” kufizohet nga pamundësia për të përçuar muret, që do të thotë se çdo llambë duhet të jetë e lidhur individualisht me internetin, e kjo do të rriste shumë koston.

Shpresat janë, megjithatë, që në të ardhmen llamba të lidhura me internetin të vendosen në çdo ndërtesë.

Related posts

Kamera që kushton 48,000 dollarë

dritatv

Samsung ul çmimet e disa produkteve

dritatv

Messenger si Whatsapp, mund të fshihen mesazhet e dërguara me këtë aplikacion

dritatv

Leave a Comment