Kina reagon ndaj Pompeos i cili përdori termin “Virusi Wuhan”

Pekin

Kina ka reaguar ashpër ndaj këmbënguljes së Sekretarit të Shtetit të SHBA-ve, Mike Pompeo për të përdorur termin “Virusi Wuhan” lidhur me koronavirusin e ri (Covid-19).

Zëdhënësi i Ministrisë së Jashtme të Kinës, Geng Shuang në një konferencë për media ka deklaruar se “kjo është një përpjekje për të etiketuar Kinën për shpërqendrim dhe shmangie nga përgjegjësia dhe për të diskredituar përpjekjet e Kinës në luftën e saj kundër virusit”.

“Kjo deklaratë jepet me një motiv shumë të keq”, tha Shuang i cili ka mbrojtur përpjekjet e Kinës në luftën kundër virusit. Ai hodhi poshtë pretendimet se “ata dëshirojnë të ikin nga përgjegjësia”.

Ndërkohë që Kina u akuzua fillimisht me përpjekje për heshtjen e ndarjes së informacionit pas shfaqjes së epideminë në Wuhan, disa diplomatë kinezë pretendojnë se “virusi mund të jetë sjellë në vend nga SHBA-të”.

Sekretari Pompeo tha se “virusi ka ardhur nga qyteti Wuhan i Kinës dhe se qeveria kineze ka një përgjegjësi të veçantë për të paralajmëruar botën kundër rreziqeve të virusit”. Ai hodhi poshtë kritikat ndaj tij për shkak të përdorimit të shprehjes “virusi Wuhan”.

Profesori kinez që punonte në Japoni akuzohet për spiunazh

Zëdhënësi Shuang njoftoi gjithashtu se profesori, shtetasi kinez Yuan Keqin që punonte në një universitet në Japoni është arrestuar me akuzën për spiunazh dhe se ky person ka pranuar akuzën ndaj tij.

Gjykimi kundër Yuan Keqin mbështetet nga “të vërteta të hapura dhe prova të pakundërshtueshme” dhe i akuzuari është dërguar në prokurori, tha më tej Shuang i cili shtoi se Yuan ka panuar krimin dhe se procesi është “në përputhje me ligjet” dhe “mbrohen plotësisht” të drejtat ligjore të profesorit.

Yuan ushtronte detyrën e tij në Universitetin e Edukimit Hokkaido në Japoni dhe prej tij nuk kishte asnjë të dhënë që nga qershori 2019 pasi ai shkoi në Kinë për të marrë pjesë në ceremoninë mortore të nënës së tij.

- ISLAMSHOP.CH -

LEXO MË SHUMË

Panuçi: Roma s’më ka kontaktuar, i lumtur te Shqipëria

Trajneri i Kombëtares së Shqipërisë, italiani Kristian Panuçi, ka dhënë një prononcim për “Corriere Dello Sport”, ku ka treguar të vërtetën e zërave që...

“Rreth 300 milionë njerëz nuk janë në dijeni se jetojnë me hepatit”

Nga 325 miliona në botë që kanë virusin e hepatitit B ose C, 300 milionë nuk janë në dijeni se bartin këto viruse, ndërsa...

Tajfuni “Hagibis” godet Japoninë, 19 të vdekur dhe mbi 100 të plagosur (Foto)

19 viktima, 16 të humbur, rreth 130 të plagosur dhe dëme shumë të mëdha materiale është bilanci...

Së fundi

COVID-19: Numri i vdekjeve në Mbretërinë e Bashkuar rritet në 5.373

Mbretëria e Bashkuar ka raportuar 439 raste të reja të vdekjeve që ndërlidhen me koronavirusin e ri (COVID-19). Sipas Departamentit të Shëndetësisë dhe Kujdesit Social,...

Korisha futet në karantinë, testohen 25 persona që patën kontakt me 70-vjeçaren e ndjerë

Një burrë 59 vjeç dhe një grua 70 vjeçe janë dy viktimat e fundit në Kosovë, të cilët kanë ndërruar jetë gjatë 24-orëve të...

Turqi, rritet në 649 numri i të vdekurve nga COVID-19

Turqia ka informuar për rastet e reja të koronavirusit të ri (COVID-19), përderisa vazhdon përpjekjet për të frenuar përhapjen e virusit. Ministri i Shëndetësisë së...