SHQIPERIA

Kampe emigrantësh në Shqipëri? Ministria e Brendshme: Hodaj ka folur mbi një situatë hipotetike

Spread the love

Ministria e Brendshme ka reaguar përmes një komunikate në lidhje me jehonën mediatike të kronikës televizive të rrjetit gjerman ZDF, një ditë më parë, duke hedhur poshtë mundësinë e ndërtimit të kampeve për emigrantë në Shqipëri.

“Ndërtimi i kampeve nuk është një çështje as në shqyrtim dhe as në diskutim. Askush nuk e ka kërkuar deri më sot dhe askush nuk e ka ofruar një gjë të tillë”, thuhet në sqarimin e MPB-së.

Në fakt, sipas këtij dikasteri, thëniet e zv.ministrit Julian Hodaj të cituara në kronikë janë përgjigje e një pyetjeje konkrete se “çfarë mund të bënte Shqipëria në kushtet e një emergjence emigrantësh”.

Siç është shprehur ai, Shqipëria e ka treguar gjatë luftës së Kosovës se është në gjendje të përballojë këto emergjenca. Kurse Ministria e Brendshme, duke u kujdesur të evitojë spekulimet dhe keqpërdorimin e përmbajtjes së kësaj kronike, thekson se përgjigja e Hodajt lidhet me një situatë hipotetike emergjence, e jo mbi një diskutim nëse një kamp mund të ndërtohet ose jo në Shqipëri.

Top Channel

Related posts

Protesta në Kukës, Meta bën thirrje për qetësi dhe dialog

dritatv

Edi Rama, mes artit dhe politikës: Nuk do të plakem keq

dritatv

Asambleja Kombëtare e PS, Balla: Të vetëm në zgjedhje

dritatv

Leave a Comment