U mudova shumë një natë,
fre t’u vija vargjeve të mia,
Hëna pellgut e Yjet lartë,
çfarë të bëja nuk e dija…
E në mend më erdh’ diçka,
ashtu kot nga pabesia,
kalendarin të bëja pra,
ku ta nisja e ku ta lija…
Fillin zura në mëngjes,
rendur pas Yllit të parë,
piva dhe gotë me vesë,
vargjet prap rrinin ndarë…
Kuturu më humbui filli,
kalendarit fletëgrisur,
dhe sërish u mbyt Dielli,
varg të parë duke nisur…
Luan Sheshi: 15 shtator 2018…
