Ditën e sotme është finalizuar operacioni “Bulceshi”, për veprimtari kriminale në fushën e kultivimit të bimëve narkotike.
L. B., 33 vjeç, banues në Zall-Bastar, Tiranë.
P. N., 58 vjeç, banues në Tiranë, i dënuar më parë.
Gjatë kontrollit të territorit dhe mbi bazën e informacioneve të grumbulluara më parë, shërbimet e Policisë, në vendin e quajtur “Bulcesh”, Njësia Administrative Zall-Bastar, në një zonë malore dhe me bimësi të dendur, u gjetën të kultivuara dhe u asgjësuan 60 bimë, të dyshuara si bimë narkotike të llojit Cannabis Sativa.
Gjithashtu, gjatë kontrollit policia gjeti dhe sekuestroi një armë zjarri pistoletë, dy armë gjahu çifte, një armë të ftohtë thikë, një palë dylbi dhe një sasi municioni.
Vijon puna per identifikimin dhe kapjen e personave të tjerë të përfshirë në këtë aktivitet kriminal.
