Interi i Contes ka gati listën për merkato. Shumica, të rinj italianë

Lista e shpenzimeve do të bëhet prioritet duke filluar që nga java e ardhshme, me shumë mundësi me Championsin të siguruar, por Interi i ri i Antonio Contes ka nisur qysh tani të hedhë hapat e parë.

Me mbërritjen e Godin nga Atletico Madrid, mbrojtja zikaltër duket e kompletuar. Në mesfushë, emrat që pëlqehen më shumë janë që të gjithë produkt vendas: nga Chiesa, te Pellegrini e Barella.

Dhurata e parë për Antonio Conten pritet të jetë Federico Chiesa, për të cilin drejtuesit e Interit kanë nisur duelin me ata të Juventusit, duke takuar vet të atin Enrico Chiesa, edhe ky dikur futbollist i shquar. Por, ka edhe emra të tjerë që pëlqehen prej kohësh, edhe ata të rinj dhe italianë. Mbi të gjithë Lorenzo Pellegrini, e më pas Nicolo Barella.

Ndërkohë, emrat për sulmin, në atë që pritet të jetë epoka “post Icardi”, janë bërë të ditur prej kohësh, objektiva janë Romelu Lukaku dhe Edin Dzeko.

- ISLAMSHOP.CH -spot_img

LEXO MË SHUMË

Së fundi