SHQIPERIA

Hetim policisë për protestën; SHÇBA verifikon sjelljen në “Rrugën e Kombit”

Spread the love

Veprimet e policisë më 31 mars në Rrugën e Kombit, ku Forcat e Ndërhyrjes së Shpejtë u përleshën me protestuesit do të kalojë në sitë.

Pak para se të raportonte në Kuvend, drejtorja e Shërbimit për Çështjet e Brendshme dhe Ankesave la të kuptohet se po verifikohen procedurat standarde të ndjekura ditën e tubimit, ku të lënduar mbetën 12 efektivë dhe dhjetra protestues.

“Ne kemi nisur një inspektim në bazë të detyrimit ligjor dhe shërbimit që un përfaqësoj”, deklaroi drejtorja e SHÇBA, Anila Trimi.

Për sjelljen e policisë ditën e protestës kundër taksës në Rrugën e Kombit, që përfundoi me djegjen e kabinave të koncesionarit mësohet se po heton edhe Prokuroria e Kukësit, pasi ka dyshime për veprime arbitrare.

Ditën e protestës u panë efektivë që qëllonin qytetarë me shkopa gome dhe gurë si reagim ndaj sulmit të protestuesve.

Nga hetimi paraprak dyshohet se policia vendore nuk kishte marrë masat e duhura dhe nuk kishte plan në situatë agravimi të protestës.

23 protestues u arrestuan pas protestës, nga të cilët 11 vijojnë të jenë në qeli./Top Channel/

Related posts

“Jam e pikëlluar, demokracia është në rrezik”, Doris Pack, të rinjve: Qëndroni, vendi ka nevojë për ju!

dritatv

“Në vjeshtë ligji i ri”, Rama paralajmëron ata që zaptojnë plazhet

dritatv

Gruaja i helmoi nënën, i riu flet në gjykatë për videon e hoxhës

dritatv

Leave a Comment