KOSOVA

Haradinaj, Stoltenbergut në telefon: Ushtrinë do ta bëjmë dhe pikë!

Spread the love

Kryeministri i Kosovës, Ramush Haradinaj, ia ka përsëritur Sekretarit të Përgjithshëm të NATO-s Jens Stoltenberg, se Ushtria e Kosovës do të votohet me 14 dhjetor.

Siç ka bërë të ditur kryeminstri Haradinaj, temë e bisedës telefonike me Stoltenbergun ishte transformim i FSK-së, ndërsa e sigurova atë se Ushtria e Kosovës do të jetë kontribuese e paqes dhe stabilitetit në rajon.

“Duke shprehur mirëkuptim për qëndrimin e tij nga perspektiva multilaterale për procesin e tranzicionit, njëkohësisht e informova Sekretarin e Përgjithshëm Stoltenberg se Kosova është e përkushtuar për një proces të tranzicionit të FSK-së që do të sigurojë një ushtri profesionale, multietnike dhe kredibile në shërbim të të gjithë qytetarëve të Kosovës”, ka shkruar Haradinaj në facebook.

Postimi i plotë i kryeminstrit Haradinaj:

Sot zhvillova një bisedë telefonike me Sekretarin e Përgjithshëm të NATO-s z. Jens Stoltenberg.

Shpreha falënderimin tim dhe të popullit të Kosovës për misionin e KFOR-it në Kosovë dhe kontributin e NATO-s për një ambient të qetë dhe të sigurtë për të gjithë qytetarët e Kosovës. Gjithashtu shpreha respektin dhe ndjenjën e thellë për shumë ushtarë të NATO-s që kanë humbur jetën gjatë shërbimit të tyre në Kosovë.

Duke shprehur mirëkuptim për qëndrimin e tij nga perspektiva multilaterale për procesin e tranzicionit, njëkohësisht e informova Sekretarin e Përgjithshëm Stoltenberg se Kosova është e përkushtuar për një proces të tranzicionit të FSK-së që do të sigurojë një ushtri profesionale, multietnike dhe kredibile në shërbim të të gjithë qytetarëve të Kosovës.

Ky vendim sovran i Kosovës, i cili do të votohet më 14 dhjetor, përmban në vete vizionin dhe vullnetin e qytetarëve të Kosovës që të ruajnë dhe mbrojnë vlerat perëndimore.

FSK do të kontribuojë për paqen dhe stabilitetin në rajon dhe më gjërë. Institucionet e Kosovës do të sigurohen të vazhdojnë bashkëpunimin e ngushtë me KFOR dhe NALT, pasi që ndajmë të njëjtat shqetësime të sigurisë, interesat dhe vlerat.

RH

Related posts

Përgatituni, po vijnë temperatura të papritura në Kosovë

dritatv

Treni, Gjuriçi, gylenistët…kur krerët e Kosovës vrapojnë për të marrë meritat

dritatv

Detaje për humbjen e jetës së ish-luftëtarit të UÇK-së nga QKUK

dritatv

Leave a Comment