Ambasadori i Kosovës në Britani të Madhe, Lirim Greiçevci ka qëndruar sot për vizitë në Dublin, ku është pritur nga Komisioni për çështje europiane në Parlament të Irlandës.
Ai në një postim në Facebook ka shkruar se integrimi evropian i shteteve të Ballkanit, në veçanti Kosovës është jetik për paqen.
Ky është postimi i Greiçevcit:
Sot, në Ditën e Europës, gjendem në Dublin, në vizitë zyrtare, ku kisha një paraqitje para Komisionit për Çështje Europiane të Parlamentit të Irlandës, për të folur lidhur me strategjinë e zgjerimit të Bashkimit Europian me Ballkanin Perëndimor. Mes tjerash, theksova që integrimi europian i të gjitha shteteve të Ballkanit, e në veçanti i Kosovës, është jetike për paqen, mirëqenien dhe stabilitetin rajonal. Gjithashtu, shpreha mirënjohjen e thellë për mbështetjen e parezervë të Irlandës për Kosovën dhe integrimin e saj në Bashkimin Europian./Kosova Post/
