Forumi Ekonomik Botëror i Davosit dhe pasqyrimet e tij

Davos është një shkurtim për të përcaktuar Forumin Ekonomik Botëror (“World Economic Forum” ose WEF në anglisht), që zhvillohet çdo vit në fund të janarit në këtë stacion luksoz skish, i strehuar në mes të Apleve zvicerane.

I ideuar në vitin 1971 nga profesori gjerman i ekonomisë, Klaus Schwab si një vend bisedimi mes sipërmarrësve evropianë dhe amerikanë, ky forum i 48-të është shndërruar në një takim të madh të elitës botërore.

Çdo vit, rreth 3 000 pjesëmarrës, pronarë të mëdhenj, përgjegjës politikë, intelektualë, mbështetës të mjedisit apo të të drejtave të njeriut, artistë, debatojnë dhe shpeshherë merren në pyetje nga kundërshtarët e tyre.

Një manifestim kundër ardhjes së presidentit amerikan, Donald Trump pritet të mbahet në Zyrih. Ndërsa në Davos, një manifestim, që do të zhvillohej të enjten, u anulua nga autoritetet për shkak të reshjeve të dendura të dëborës.

Masat e sigurisë janë tepër të larta. Rreth 4 000 ushtarë dhe policë zviceranë janë mobilizuar për të mbikëqyrur rrethinat e qendrës së kongreseve dhe të hoteleve të ndryshme të qytetit.

Të ftuarit

Në rreth 70 krerë shtetesh dhe qeverish të pranishme në edicionin e vitit 2018, kreyministri indian, Narendra Modi do të hapë forumin.

Krerë evropianë të nivelit më të lartë do të jenë në këtë takim, presidenti francez, Emmanuel Macron, kancelarja gjermane, Angela Merkel dhe kryeministrja britanike, Theresa May dhe shefi i qeverisë italiane, Paolo Gentiloni.

Afrika do të jetë e përfaqësuar kryesisht nga pasuesi i Robert Mugabe në Zimbabue, Emmerson Mnangagwa, apo nga presidenti i ri i Kongresit Kombëtar Afrikan (ANC), zëvendëspresidenti afrikanojugor, Cyril Ramaphosa. Ndërsa nga Amerika Latine, do të jenë presidentët e Brazilit, Michel Temer dhe Argjentinës, Mauricio Macri.

Intelektualë si shkrimtari izraelit, Yuval Noah Harari, autor i librit të famshëm “Sapiens”, apo psikologu kanadez, Steven Pinker, do të sjellin kontributet e tyre në debat, si dhe fituesja pakistaneze e çmimit Nobel për Paqen, Malala Yousafzai.

Ndërsa ylli britanik Elton John, aktorja australiane Cate Blanchett apo aktori bollivudian, Shah Rukh Khan do të shtojnë një atmosferë më relaksuese.

Në fund, pjesëmarrja të premten e Donald Trump, i pari president amerikan që prej Bill Clinton në vitin 2000, premton të jetë mbresëlënëse.

Meditime dhe ceremoni

Nga seancat e meditimit në mëngjes ceremonitë e mbrëmjes duke kaluar nga seminaret dhe projektimet, ditët janë shumë të ngarkuara.

Shumëllojshmëri temash konsensuale, ku pjesëmarrësit përqëndrohen këtë vit në “ndërtimin e një të ardhmeje të përbashkët në një botë të copëzuar”.

Shumë janë fokusuar në “Revolucionin e Katërt Industrial” dhe të ardhmen e punës përballë inteligjencës artificiale dhe robotizimit.

Të tjerë do të debatojnë për çështjet gjeostrategjike pas Brexit, të rreziqeve financiare, të sigurisë ushqimore apo të mobilizimit përballë epidemive, shkruan trt. Me një fokus të veçantë për shkak të protestave botërore të zhvilluara nga lëvizja “#MeToo”, organizatorët kanë parashikuar shumë javë mbi barazinë burrë-grua në këtë forum ku vetëm një e pesta e të ftuarve janë të femra.

Gjithashtu në program është edhe lufta kundër ngrohjes klimatike me një shfaqjen e një dokumentari të ri të amerikanit Al Gore, “An Inconvenient Sequel: Truth to Power”./Kosova Post/

- ISLAMSHOP.CH -

LEXO MË SHUMË

Ushtarët izraelitë vrasin një fëmijë palestinez

Si pasojë e ndërhyrjes së ushtarëve izraelitë gjatë protestave në Rripin e Gazës u vra një fëmijë...

Lukas Podolski do të rikthehet të luajë në Europë

Një lajm i bujshëm po qarkullon së fundmi në media, me Lukas Podolskin që pritet në janar...

Lideri i Vëllazërisë Muslimane në Jordani jep shpirt gjatë hytbes së xhumasë

Një nga anëtaret kryesor i grupit të Vëllazërisë Myslimane të Jordanisë ka vdekur teksa ishte duke dhënë hytben e së xhumasë ne një xhami...

Së fundi

Turqia regjistron 73 vdekje të reja nga COVID-19, numri i viktimave rritet në 574

Turqia ka konfirmuar se 73 persona të tjerë kanë vdekur nga koronavirusi i ri (COVID-19) në vend, duke e çuar në 574 numrin e...

Itali/ Rënie e madhe e numrit të viktimave në 24 orët e fundit

Italia ka publikuar bilancin e 24 orëve të fundit sa i përket të prekurve me Koronavirus. Numri i viktimave ka shkuar në 15887, që...

Shkon në 21 numri i viktimave në Shqipëri, ndërron jetë ish-boksieri

Ka shkuar në 21 numri i viktimave që lidhen me Koronavirusin në Shqipëri. Ministria e Shëndetësisë ka njoftuar se ka ndërruar jetë ish-boksieri Skënder...