FMN kritikon qeverinë për PPP-të, Spahiu ironik: Fajin vazhdon ta ketë LSI-ja!

Deputeti i LSI-së Përparim Spahiu e ka kritikuar sërish qeverinë për paaftësinë në menaxhim, këtë radhë mbështetur edhe tek raporti i fundit i FMN-së, që ka pohuar të njejta probleme që ka ngritur LSI-ja për koncensionet dhe PPP-të.

“FMN, me një fjali, na tregon paaftësinë manaxheriale të kësaj qeverie, – shkruan Spahiu në Fb, – ku Ballkanin e kryeson Shqipëria, si modelin më të keq të PPP-ve, kur shprehet se:”Hapësira e pamjaftueshme fiskale dhe mungesa e efikasitetit në sektorin publik e bëjnë financimin privat tërheqës në investimet në infrastrukturë”.

Pra të paaftë të realizojnë të ardhura, normal që kjo nuk realizohet me burgosjen e biznesit por me lehtësi fiskale për më shumë investime dhe, ekonomi konkurruese e jo favore një grupi biznesmenësh.

Sa për efikasitetin në sektorin publik fajin vazhdon ta ketë LSI-ja,” përfundon Spahiu, duke sjellë në vëmendje “amendimet për konçensionet dhe PPP, kërkesë e LSI, që prej tre vitesh “flenë”në sirtaret e Kuvëndit”.

© SYRI.net

- ISLAMSHOP.CH -spot_img

LEXO MË SHUMË

Së fundi