Facebook, Twitter dhe Google nuk po bëjnë mjaftueshëm për të luftuar dezinformimin në platformat e tyre thanë zyrtarë të Bashkimit Evropian.
Si pjesë e planit për të luftuar dezinformimin në median social, kompanitë nënshkruan vullnetarisht një propozim për mënyrën sesi do të luftonin këtë fenomen vitin e kaluar.
Në një deklaratë, zyrtarët kritikuan përgjigjen e kompanive duke thënë se duhet të shohim më shumë progres.
“Platformat nuk kanë ofruar mjaftueshëm nëse politikat dhe mjetet e reja po aplikohen siç duhet në mbarë vendet e Bashkimit Evropian,” thuhej në deklaratë. “Raportet ofrojnë shumë pak informacion rreth rezultateve dhe masave të ndërmarra.”
Deklarata e Komisionit Evropian kërkon që platformat të bëjnë hapa përpara ardhjes së zgjedhjeve të Parlamentit Evropian në Maj.
Evropa dhe Shtetet e Bashkuara kanë pyetur vazhdimisht rreth rolit që lajmet e rreme dhe interferenca e huaj ka pasur në zgjedhjet demokratike. “Nëse nuk shohim progres të mjaftueshëm nga kompanitë do të konsiderojmë politikat tona përfshirë edhe një rregullim të mundshëm,” shpreheshin disa komisionerë, njofton PCW.