Presidenti i Turqisë, Recep Tayyip Erdogan, u takua me ushtarët turq që veprojnë në Bosnjë e Hercegovinë në kuadër të misionit të Bashkimit Europian (BE) Althea.
Erdogan vizitoi komandën e njësisë turke në Bazën Ushtarake në Butmir në kuadër të vizitës në Bosnjë dhe Hercegovinë, ku sot udhëtoi për të marrë pjesë në Samitin e Procesit të Bashkëpunimit të Europës Juglindore (SEECP).
Gjatë vizitës, e cila ishte e mbyllur për mediumet, Erdoğan u shoqërua nga ministri i Jashtëm turk, Mevlüt Çavusoglu, ministri i Thesarit dhe Financave, Berat Albayrak, ministri i Mbrojtjes Kombëtare, Hulusi Akar, si dhe shefi i Komunikimeve i Presidencës së Turqisë, Fahrettin Altun.
Erdogan në kuadër të vizitës së tij në këtë Bosnjë e Hercegovinë pritet po ashtu të takohet me anëtarët e këshillit presidencial të Bosnjë e Hercegovinës, si dhe të realizojë takime dypalëshe me liderët e disa vendeve.
