• Home
  • LIVESTYLE
  • Britani, Mbretëresha Elizabeth II feston 92-vjetorin e lindjes
LIVESTYLE

Britani, Mbretëresha Elizabeth II feston 92-vjetorin e lindjes

Spread the love

Mbretëresha Elizabeth II, monarkja më jetëgjatë e Mbretërisë së Bashkuar, feston këtë të shtunë 92-vjetorin e lindjes.

Për të shënuar këtë ditë të veçantë, llogaria e Familjes Mbretërore publikoi foto nga arkiva të Mbretëreshës Elizabeth kur ka qenë tepër e re, e sigurisht i bëri homazh dedikimit jetëgjatë të saj në shërbesat publike.

Mbretëresha dhe pjesëtarë të tjerë të familjes do të marrin pjesë në një koncert yjesh në “Albert Hall” të Londrës, mbrëmjen e kësaj të shtune, sipas njoftimit zyrtar në “Twitter”.

Shfaqja muzikore, ku marrin pjesë këngëtarë si Sting, Shaggy dhe Kylie Minogue, do të transmetohet drejtpërdrejt nga BBC, në televizion dhe radio.

Mbretëresha mirëpriti udhëheqësit e Commonwealthit në Britani gjatë kësaj jave, për një samit nga i cili u konfirmua se djali i saj, Princi Charles do të jetë udhëheqësi i ardhshëm i organizatës, pas vdekjes së saj.

Të dielën, ajo do t’i japë edhe startin zyrtar nga distanca Maratonës së Londrës, nga një podium special në kopshtin e kështjellës “Windsor”. Kjo do të shënojë plot 110 vite nga Maratona Olimpike e vitit 1908, e nisur pikërisht nga kjo kështjellë, asokohe nga Princesha Mary, gjyshja e Mbretëreshës Elizabeth.

Muajin e ardhshëm, nipi i saj, Princi Harry dhe Meghan Markle do të martohen zyrtarisht në kështjellën “Windsor”. Mbretëresha feston gjithashtu ditëlindjen zyrtare në qershor të çdo viti, përmes paradës ushtarake tradicionale të quajtur “Trooping the Colour”./Topm Channel/

Related posts

Albumi i Dua Lipës ndër 50 më të mirët e vitit 2017

dritatv

Dua Lipa shpallet artistja më e mirë femër në Britani

dritatv

Shuhet në moshën 91-vjeçare ikona e modës Givenchy

dritatv

3 comments

Leave a Comment