BOTA

Brenton Tarrant para gjykatës: nuk ndihem fajtor!

Spread the love

I akuzuari për sulmet terroriste në Christchurch është vetë deklaruar jo fajtor për të gjitha akuzat. Brenton Tarrant i cili po akuzohet për vrasjen e 51 njerëzve dhe për 40 vrasje në tentativë, ka dalë para gjykatësve përmes një videolidhjeje nga burgu.

Australiani 28-vjeçar po qëndronte i ulur në heshtje kur avokati i lexonte deklaratën e tij, ku thoshte se nuk ndjehej fajtor për krimet e kryera.

Disa prej të mbijetuarve të sulmit dhe të afërmve të viktimave ishin në gjykatë për të ndjekur seancën, dhe shpërthyen në lot kur avokati i Tarrant po e lexonte qëndrimin e palës që e mbronte.

Gjykata e Lartë e Drejtësisë tha se gjykimi ishte caktuar për 4 maj të vitit të ardhshëm dhe se Tarrant do të kthehej në paraburgim deri në rishqyrtim të rastit më 16 gusht. Në paraqitjen e tij të fundit në gjykatë gjatë prillit, ai u urdhërua t’i nënshtrohej vlerësimeve të shëndetit mendor për të përcaktuar nëse ishte i aftë për t’u gjykuar.

Javën e kaluar Zelanda e Re hoqi ndalesën për publikimin në media të fytyrës së tij.

Related posts

Malajzi, në një bagazh në aeroport zbulohen mbi 5 mijë breshka

dritatv

Zelandë e Re, lehtësime vizash për familjarët e viktimave të sulmit terrorist

dritatv

Ushtria izraelite shkatërron shtëpinë në Bregun Perëndimor

dritatv

Leave a Comment