“Bosch” gjobitet me 90 milionë euro për skandalin me motorët dizel

Prokurorët gjermanë kanë gjobitur me 90 milionë euro kompaninë teknologjike e cila bën edhe prodhimin e pjesëve automobilistike “Robert Bosch GmbH” për rolin e saj në skandalin e emetimit të motorëve dizel që shpërtheu në Volkswagen në vitin 2015.

Prokurorët në Stuttgart thanë të mërkurën se Bosch është gjobitur nga shkaku i shkeljes së pakujdesshme të detyrimeve të mbikëqyrjes, duke shtuar se kompania ka vendosur të mos apelojë vendimin.

Bosch ka furnizuar miliona sisteme të kontrollit të motorëve, të cilët që nga fillimi i vitit 2008 janë instaluar në automjetet e prodhuesve të ndryshëm, softueri i të cilit, siç thonë prokurorët, “përmban pjesë të strategjive të ndaluara”, të cilat kanë bërë automjetet të emetojnë më shumë oksid të azotit nga sasia e lejuar nga rregullatorët.

Megjithatë, prokurorët thonë se besojnë se “nisma për integrimin dhe formësimin e strategjive të ndaluara, është bërë nga punonjësit e prodhuesve të automobilave”.

Skandali i emetimeve të motorëve dizel i ka kushtuar Volkswagenit miliarda euro.

- ISLAMSHOP.CH -spot_img

LEXO MË SHUMË

Së fundi